مقال بعنوان (مش فى أيدى ديما )

مش ديما كل حاجه فى ايدك تغيرها او تسيطر عليها
فى جملة عجبتنى من كتاب “طعام. صلاة. حب” بتاع إليزابيث جيلبرت كانت بتقول فيها إنها عاشت طول حياتها بتحاول السيطرة على الأمور و التحكم فيها لكن اللحظة اللي فعلا حررتها من ضغوط كتير في حياتها كانت اللحظة اللي هي تصالحت فيها مع فكرة إن مش كل الحاجات قابلة للسيطرة .. فكرة التسليم.بأنك عملت إللى عليك سعيت وأخلصت بس فى حاجات القرارات فيها بأيد ربنا مكتوبلك تنجح اوتخفق..ربنا ممكن يكون عاوز يختبرك ويشوف صبرك بأنك تعمل كل الحاجه عشان تعدى او تنجح فى شىء ما وهو يكون مش قاسمهولك اصلا …وبيشوف صبرك قد ايه وعلى قد صبرك على قد كرمه ما هينزل عليك بلا أخر له .
إللى عاوزه اقوله ان مش ديما بنقدر نسيطر على كل حاجه احنا كبشر بنسعى والتوفيق من عند ربنا …سواء بقى شغل او دراسه او زواج او حتى خلفه….صدقنى كله بأيد ربنا أعمل بس إللى عليك واطمن ان ربنا شاهد وعارف وهيديلك إللى مكتبولك فخليك راضى ومطمن ديما …لا داعى للتوتر لا داعى للقلق كن مطمئنا هادىء النفس .?
#وسام_الهندى