كتبت /سما فتح الله
فكره نتمنى تنفيذها وسهله جدا وهى ان
شوارع البلد الجانبية تبقى كلها بالانترلوك
الموضوع سهل وبسيط ومش هيكلف كتير متر الانترلوك بيبدأ من 42 جنية لحد 56 جنية وبيتركب على رمل بدون اسمنت , يعنى لو كل بيت اتبرع ب 100 جنية هنقدر نسفلت الشارع فى اقل من اسبوع , وتحمى بيتك واولادك من تراب وطين الشارع واكيد شوفتو الشتاء عامل في البلد ايه وتعيش فى شارع نظيف وتعرف تمشى فى امطار الشتاء ولو في أي مشاكل في مياه أو كهرباء أو غاز أو صرف صحي …هترفع الانترلوك …تصلح وتركب تاني …ولا تكسير ولا غيره
المشروع ده علشان يتنفذ لازم تعاون ما بين الناس وسكان الشوارع
فكرة المشروع هي افكار متنقالة عبر الزمن من أول الإنجليز ماعملوها في شوارع إسكندرية والقاهرة في منتصف القرن الماضي حتى تجديدها على يد بعض شباب مصر في الأحياء الراقية والشعبيه