هوامش ذاتية مهمة ….. الشاعر/ أحمد ربيع بواسطة bwabt1 0 شارك الشاعر/ أحمد ربيع حابب اكون مُختلف المره دي بالذات هاهمِّش الذات.. هخلع جرائتي واحطها في جيبي هحدفها روحي لـ قَدري ونصيبي وهسيب في قلبي الأُمنيْات تِبهتْ جايز هلاقي شاري علي عيبي مش لازم امشي مستقيم الخط جايز هغيّر في الطريق السير مش لازم اوصل في المعاد بالظبط ولا فارقة هسبق ولا هبقي أخير محتاج اشوفني المره دي مظبوط محتاج احدد ايه اهم ما ليا وهل حقيقي في قوه في الملكوت تقدر تقرب هدفي لإيديا؟! مقدرش أجذِّم.. او اكدِّب شئ مقدرش اشاور او اقول ده الحق محتاج اجرب قبل ما امشي طريق علشان اقرر همشي فيه او لأ محتاج اجرّد روحي مـ الشهوات واطلق لـ عقلي مساحة للتفكير او ابقي ضامن ان فيه جناحات قبل اما هحلم اني مره اطير مش لازم امشي وعيني معصوبه واكيد لايمكن اعيش بدون اخطاء ولا قلبي نبوي.. ولا روحي معصومه من نَسل أدم.. طبعنا خطّاء محتاج اصارح روحي بحقايق مافردش ليها بُساط من الأحلام لو صدمه صدق صحيح لابُد تضايق لكن اكيد احسن من الأوهام محتاج اشوفني المره دي مظبوط جايز هصلح حاجة جوا النفس فكرت مره اروح اشوف في مرايا فـ لقيتني طالع فيها ليه بالعكس?! محتاج اشوفني المره دي مظبوط مش قادر امشي علي الطريق بالظبط مقدرش الاقي كل شئ بشروط طبيعتها روحي صعبة.. ضد الربط مش عارف ارجع ولا اكمل سير خايف ايأس لما اكون قربت غَربت نفسي في محور الإجابات ملاقتش رد عليا فاستغربت محتار كأني بصارع الدنيا علي مين هيهزم خصمه او يقتله كل اما بمسك خيط واجيب اخره بلاقيني برجع تاني من أوله واللعبة أصعب من حياة فانية او عُمر ناقص مهما زاد وامتد وكأني عايش بين ضلوع هايشه كل اما ببني بلاقي جسمي اتهد مش قادر افهم حسبة الدنيا وفكل مره بتوه في وسط ال أحمدالشاعرذاتيةربيعمهمةهوامش 0 شارك FacebookTwitterWhatsAppالبريد الإلكترونيLinkedinTelegramطباعة
