اصل الحكاية كلمات / محمود صلاح
الحكاية مش فى الزمان
الحكاية ببساطة ف الإنسان
انا ابن ابوي من زمان
وزى ما ربانى راح تلقانى
انا ليه انا العنوان
جيل ورا جيل
من ابويا وجده
بيبان من الأصيل
مين الدخيل
مين عاشق تراب بلده
زى ابوه وزى جده
ومين بايع أهله وناسه
كاشف راسه
وبين الرجال معدوم اساسه
زمان هو زمانى
والحياة هى الحياة
بس بطعم تانى
فيها الاصيل زى النيل
كله خير وحياة
والعويل مستحيل يجى
خير من وراه
الحكاية مش ايام زمان
الحكاية ازاى اكون انسان
اكتشاف المزيد من بوابة العاصمة
اشترك للحصول على أحدث التدوينات المرسلة إلى بريدك الإلكتروني.
