أى كلام سهير عسكر
ساعات بنقعد مع نفسنا
ونقول أى كلام
نصبر بيه بس نفسنا
ونبرر الخصام
نقول ليه زعل مننا
مقصدش فعلاً الكلام
وانت من جواك قاصد
واتسببت فى الخصام
فكر فى مرة تقول آسف
وتنهى خلافك قوام
مش دا يهرب ودا يعارض
وفجأة يخلص الكلام
ييجوا الحبايب يتدخلوا
ويوسع الكلام
يحكوا معاك وكأنهم
كانوا موجودين تمام
تسمع مهازل وكلام خارج
طبعاً محصلش
بس آهو كلام والسلام
ما كان م الأول تعتذر
وتنهى بقي كل الكلام
شفت الحكاية بقت رواية
وبقيتوا ع المشاع
والأسف مبقاش يحل
إديتوا فرصة للئام
التعليقات مغلقة.