بعدتي ليه؟… بقلم… الكاتبه/وسام الهندى
بقلم الكاتبه/وسام الهندي
…….
سألتني بعدتى ليه
غبتى عن عنيا
هاجرتى وضاع وياكى
كل أمل فيكى ليا
كنتى شمس بتشرق
معاها كل حاجه فيا
عرفت معاكى الامل
الحب
طعم الحنيه
كنت يشاور وأقول
وانا كلى غرور
الجميله ديا بتموت فيا
حبيبها انا
انا كمان مالى عنها غنا
بس ما كنتش اعرف
انى يوم ما أضيعك وتسيبينى
شمسك هتغرب لبعيد
حلفه ما ترجع
لكائن انانى عنيد
ضمن حبيبته
ولو قابله حب جديد
يغير بيه موده
ويصحى جواه الفارس القديم
يعيش قصه حلوه يومين
ويقنع نفسه ان حبيبته نن العين
وان دى شقاوه
وموضوع هياخدله يومين
وهى إللى فى القلب
مهما حصل ومهما كان
عمرها ما هتنسى ايامنا
الحلوه بتاعة زمان
ويفاجأنى احساسك
ازاى عرفتى ؟
ازاى قدرتى ؟
تكتمى كل الكلام
وتمنعى دموعك تبان
ليه ما صرختيش فيا
ليه ما لومتيش عليا
ليه سبتينى من سكات
كأنى فجأه ماضى مات
ومات معاه كل حاجه ليا
اصلك كنتى انضف ما فيا
اكتشاف المزيد من بوابة العاصمة
اشترك للحصول على أحدث التدوينات المرسلة إلى بريدك الإلكتروني.
