(لحن ذكرى) شعر…… ولاء حجازى،،الدقهلية
شعر ….ولاء حجازى،،الدقهلية
علي باب القلب غنوة
تطرب القلب الحزين
غنوة فيها لحن ذكري
عايشة جواه من سنين
حس نشوى وخبي دمعه
لجل ما يبان يوم حزين
لحن ذكرى لسة عايشة
رغم موتها من سنين
والعيون خبت دموعها
لجل ما تدارى الحنين
حتى خبت شوق وجعها
لذكرى مرت من سنين
هو مين ف الدنيا لسة
نبضه عايش ع اللي فات
كل شيء ف حياتنا ماضي
جوة صندوق ذكريات
واللي منا لسة باقي
حى لكن قلبه مات
قلبه راح ويا الليالي
واندفن من يوم فراق
الحبايب ودعووووه
لسة حاسس الاشتياق
قلبه جوة اللحن ينبض
يبكى دمعه ع اللى فات
الحياة ف قلوبنا صعبة
كل شئ بقي ذكريات
اكتشاف المزيد من بوابة العاصمة
اشترك للحصول على أحدث التدوينات المرسلة إلى بريدك الإلكتروني.
