حكايتنا بقلم …الشاعرة .. إنتصار حسين
بقلم /إنتصارحسين
…….
حكايتنا في الحب حكاية
بَديناها بحلم جميل
منغير منحطلها نهاية
عيشناهابكل التفاصيل
حكايتنا غنوة أصيلة
تتغني علي لحن جميل
ونغمها عايش جوانا
متسطر بسطور من ورد
وعبيرها يحيي جوانا
كل معاني الود
غنوتنا إحنا كتبناها
بقلوبنا رسمنا معناها
حكايتنا حكاية طويلة
كلها حب وإخلاص
صدق وراحة بال
وكرامتنا فوق الراس
دى حكاية حب طويلة
مايعرف معناهاالناس
بس اللي قلوبهم عايشاها
تِلقيَ قلوبهم جواهرمن ماس
وليالي بتعدي علينا
كلها أنس وأفراح
وقلوبنا م الفرحة ماتِدريَ
يومنا لساه موجود
والا م الفرحة عدى وراح
…………………..
يوم ييجي ويوم يروح
واحنا ولاحاسين
ولا عايزين……
أيامنا تتعَد علينا
وتِحسد منا فرحتنا
وتعد علينا خطاوينا
وياريتها تسيبنا لوحدينا
عايشين بالحب ويحيينا
ولا نشغل بالنا بأحزانا
ولانكره اللي جه علينا
وياريتها دنيانا تخلينا
نعيشها سابقين خطاوينا
وحكاية قصة كتبناها
بأيدينا هنعيش لياليها
وهنغلب كل أسية
وهننسي ليلنا اللي
سهرناه نبكي عليها
هي حكاية حب جميلة
بأرواحنا هنختم قوافيها
ويا دنيا خلاص ماعاد فيها
نطاوعك واحزانها نحابي عليها
خلصت قصة ألمنا
وبدينا قصة أحلامنا
وهنسعي لتحقيق أمانينا
وماعاد حد ييجي علينا
اكتشاف المزيد من بوابة العاصمة
اشترك للحصول على أحدث التدوينات المرسلة إلى بريدك الإلكتروني.
