من تأليف الفنان التشكيلي والشاعر /
الحسين عبد العزيز سليم
_______________________
يا مصر قسمت قلبي نصين أنتي
في النص الأول وأهلي النص التاني
لقيت نفسي تعباني إزاي يبقى ليكي
نص واحد ودوايا أديكي النص التاني
أنا عايش عمري يوم ليا
وليكي إنتي اليوم الثاني
ماهو إنتى ساكنة القلب
ومافي غيرك وطن تاني
علمنا الدين الحق إني
ما أديش دماغي لحد تاني
قولتها كتير وهفضل أعيدها
مصر مالهاش بديل تاني
وفين ألاقي بلد زي مصر
بحلوها وبمرها فين تاني ؟
أنا راضي بيها وبعيشتها
وماتفرقش إن كنت الأول أوالثاني
أنا ليا ف الكون وطن واحد
والإله هو واحد ومالهوش تاني
من طاعتي ليه إني أوفي
حق مصر عليا مش بلد تاني
اللي رفعت راية الأديان ووحد
الإله مصر بشعبها مش شعب تاني
لوكل واحد عرف لمصر قميتها
النوم مش هينامه يوم تاني
لحد لما تبقا رايتها في أعلى راية
فوق العالمين مش راية وطن تاني
