مكتوب عليا الغلب كتب / فاطمة عبدالواسع

مكتوب عليا الغلب والهم بزياده 

كل ما قول خلاص يمسك فيا بزيادة
أهرب منه في كل مكان الاقيه مستنيني كالعادة

حبيته من غلبي لاشتكي ليه همي
سقاني حزن ورواني بكآبه

ماهو عمري ماقالي اشتكي واخد بحضن ايدي زي الغلابة

أصله ماكانش سندي ولا قلبه كان قلبي
كان حبه عرض وقتي ويادوبك فات جنبي

بس ماخدتش بالي غير بعد اما دخل قلبي

كله همه هو نفسه وإنه يغلط حبي ليه بألف حجة ودليل

وأقوله اسكت وسيبنا نعيش من جديد

انت ماحستش بالحوجة ولا الوحدة وسط ناس كتير

ماتكدبش واحدة انت بالنسبة ليها حلم

فضل يتكلم وقطع في حلمي بمية سكين

وكسر فرحة عيني بشوفه ووجعني بسكوته

أما قولتله أنا ليك حتي لو كنت لقلبي موته

جرحني وسال دمي وزود كيلوات في همي

وبرر كل ده أصل أنا مش لوحدي الي حبيتك ده ألف من حبك وبنالك بيتك

صرخت في وشه وقولتله بلاش كلام تبرير وتهدم إحساس عظيم

برر موقفه وقالي انا شرحتلك ظني

وهيفضل حبي ليكي لآخر عمري

اهو قال كلمة حلوة في وسط العتمة والنوة

وقولت اسكت واشوف هل حبه ده هيظهر و اصبر عليه واكتم

ماهو انا متعوده علي الغلب والفرحة أما تعتم