بخبى نفسى ف عيونك

وبهرب م اللى حواليا
لأنى بحق مجنونك
وانتى ليلى ف عنيا
بنام وأرتاح انا ف ننك
واحس بانى شىء منك
ولما بتلتقى عيوننا
بحس بنفسى زى بحار
ومالك دفة الدنيا
بدورها على كيفى
كدة شتوى كدة صيفى
واثبتها على زهرة ربيع حمرة
بلون خدك
على ليلة ربيع صافية
صفا عيونك
واجيب المطرة بعيونى
دة لو فارقتنى نظراتك
دة انا كلى انعكاس ذاتك
انا انتى انا حزنك اذا حزنتى
انا دمعة فرح دافية
اذا فرحتي
انا مرايتك