متلازمه داون
كتبت سماح فتح الله
يوم ٢١مارس هو يوم التعريف بمتلازمة داون ولازم الدنيا كلها تعرف ان أجمل قلوب وأنقى
قلوب وملايكه الله على الارض فعلا هما الداون سندروم وانهم عندهم نسبه تأخر لكن بالتدريب
بيصبحوا أفضل وبيتعلموا وبيدخلوا الجامعه كمان ومنهم أبطال رياضيين معاهم بطولات عالم وهتلاقيهم رغم قله الاهتمام بيهم حاصدين
ميداليات الاسوياء ميقدروش عليها وهتلاقى عندهم اصرار وعزيمه قويه جدا وهتلاقيهم أبطال فى الفن وهبهروك وهتلاقيهم مخلصين قوى لو
اشتغلوا معاك وهيبهروك فى الاشغال اليدويه ولازم نعرف ان الداون سندروم ده مش مرض وانه مش معدى فمش لازم نبعد ولادنا عنهم ولانخاف
منهم لازم نتعامل معاهم ونبادلهم الود ولازم نغير من نظرتنا واسألتنا لامهاتهم عن سبب اختلافهم كفايه والله قلوبهم موجوعه بما يكفى ومش
ناقصين.وجع تانى ياجماعه الدوان سندروم كرموسوم زايد يعنى ايه ؟؟يعنى الانسان العادى
بيتكون من ٤٦كرموسوم يعنى ٢٣زوج الدون بقى ٤٧حاولواتتعاملوا معاهم عادى هتلاقوهم طيبين
والابتسامه دايما ملازمهم كل عام وكل أصحاب متلازمه النقاء بخير وأتمنى فعلا ان قلوب الناس
كلها تكون زى قلوبهم النقيه والله الدنيا هتفرق كتير
اكتشاف المزيد من بوابة العاصمة
اشترك للحصول على أحدث التدوينات المرسلة إلى بريدك الإلكتروني.
