يابو الحوافر الأربعة
بقلم :د.اشرف محمد القط
يابو الحوافر الأربعة
وشيك اوي في البردعة
مال اللجام بيشدني
والحدوة نارها مولعة
رايحين سوا جايين سوا
لا بيشتكي ولا يتلوَي
مين زيك انت في الهوي
نرفع لصبره القبعة
مهما تنكد دُنيته
يرمي همومه فـ سِكّته
يبقي في عز نهقته
لكن يقضي المنفعة
عارف طريقه إنما
من غير خريطة وسَسْتمة
تستاهل انت الأوسمة
ويكرّموك في المزرعة
الود ودّي ناس كتير
هما اللي يبقم الحمير
وتريّح أنت في السرير
تاكل فطير ومسقّعة
اكتشاف المزيد من بوابة العاصمة
اشترك للحصول على أحدث التدوينات المرسلة إلى بريدك الإلكتروني.
