غنوة
بقلم :د.اشرف محمد القط
لا أنا حيلتي ولا بـيَدّي
يدوب عايش علي أدّي
وكل أما ابتدي أحلم
حلمى بينقلب ضدّي
وكل اللي املكه غنوة
ولكن غنوتي حلوة
تسمعها تقول تاني
وفيـــنك يا اللي وحشاني
لا بتجيني ولا تعدّي
وانا وِدّي
الوّن فرحتي بلونك
وأهدي الغنوة لعيونك
وبرضه لسه بتعاندي
وأنا كل الغرام عندي
اكتشاف المزيد من بوابة العاصمة
اشترك للحصول على أحدث التدوينات المرسلة إلى بريدك الإلكتروني.
