العاصمة

راح الولد لحضن الصبية

0

.

كتب /فاطمة عبدالواسع

راح الولد لحضن الصبية

اصلها عيونها خضرا وانا عيوني عسلية .

بتلبس ع الموضة وقصير وانا بلبس جلابية.

بتحط الاحمر والأبيض وانا يادوبك بغسل وشي بشوية مية .

أصلها تعليم برة وانا تعليم مدارس مجانية .

ايديها حلوة ماتغلسلش مواعين اصل عندها خدامة فلبينية .

مش زي ايدي كل يوم بتمسح وتنضف وتقطف الملوخية .

أصل امها مدلعاها وانا أمي بتصحيني من الفجرية .

أصلها بتقول كلام حب واحبوش وانا يا عيني عليا هفضل مستحية .

جري عليها واتصل بيها وفضلوا في التليفون يقولوا كلام في الرومانسية.

جات علي هواه ولاقي روحه معاها متهنية .

من هبلي يأما شيلت صورته في جيبي ومن صحابي مخبية .

مخبية حبي ليه وبدعيله في الليل والصبحية .

خدعني يا امي وجري ع ابوها وخطبها وانا الي فضلت مستنية .

راح الولد لحضن الصبية


اكتشاف المزيد من بوابة العاصمة

اشترك للحصول على أحدث التدوينات المرسلة إلى بريدك الإلكتروني.

اترك رد

يستخدم هذا الموقع ملفات تعريف الارتباط لتحسين تجربتك. سنفترض أنك موافق على ذلك ، ولكن يمكنك إلغاء الاشتراك إذا كنت ترغب في ذلك. قبول قراءة المزيد

آخر الأخبار