اشاعة حصة العيش نقصت

تقديم عادل شلبي
كل إللى حصل تغيير لحمايتك من تلاعب أصحاب المخابز
كان الأول رصيد العيش الباقى يتحول لنقاط تموينيه نهاية الشهر
واليوم نظام جديد بيتحول يوم بيوم
يعنى لو اسره 4 افراد لها 20 رغيف فى اليوم باجمالى 600 في الشهر و افترضنا أول يوم صرفت 5 أرغفه فقط كان هيظهر في الورقه الأرغفه المنصرفه 5 والرصيد المتبقى 595 ويفضل كده لنهاية الشهر اللى بيتصرف يتخصم من الرصيد وأخر الشهر يتحول الباقى لنقط
النظام الجديد هيظهر فى الورقه الأرغفه المنصرفه 5 ورصيد االخبز المتبقى 580 مع ظهور خانه جديده اسمها رصيد النقاط يظهر فيها ال15 رغيف اللى إنت سيبتهم تحت بند رصيد النقاط 15 نقطه و بعد ماتاخد عيشك كل يوم العيش إللى إنت سيبته بيتحول لنقط يوم بيوم
إجمع العيش إللى إنت صرفته مع رصيد الخبز المتبقى مع رصيد النقاط هتلاقى حصتك مضبوطه تماما منقصتش رغيف وكل يوم هتسيب فيه عيش هيتخصم من رصيد العيش بتاعك ويظهرلك فى رصيد النقاط