وصفات العاصمة

1 ⤴حطى على الكونتر طبق بلاستيك نضفي وقشري فيه الخضار وقشر البصل والبيض وهيبقى سهل ترمي اللي فيه وتغسليه بسهولة

2 ⤴كل حاجة تفضى من طقم التوابل اغسليها بميه سخنة او في غسالة الاطباق قبل ما تحطي فيها الجديد
عشان الزيوت ومكان مسك اليد والروائح متعملش طبقة عليها وتفضل علطول بتلمع.

3 ⤴هاتي طاسة قلي جرانيت عن تجربة وبلاش التيفال مهما كان نوعه لان لونها بيقي زي فحم الكوك وتبقى مضرة مع تقشير طبقة التيفال.

4 ⤴مناديل المطبخ اللى بتترمى بتحافظ لك على نظافته دايما اكثر من الفوط

5 ⤴حطي 2فوطة مطبخ صغيرة كالآتي :
واحدة لتنشيف إيدك باستمرار وانت في المطبخ
وواحدة على باب الفرن تفتحي وتقفلي وتمسكي صواني وهو سخن مع جوانتي سيلكون

6 ⤴ولو حاجة فارت عالبوتجاز والنار شغالة وحرقتها بدل ما الدعك رشي عليها بيكربونات وخل هيعمل فوران لطيف سيبيه 5 دقايق وامسحيه بفوطة مبلولة

7 ⤴فضي التلاجة كل يوم من العلب الفاضية والأطباق والحلل اللي ملهاش لازمة

8 ⤴اكنسي المطبخ يوميا بالمكنسة افضل
النمل ما بيصدق فرصة الفتافيت. ?

9⤴ الخلاط والبروسيسور وحلة الرز والتوستر.. والبويلر (غلاية المية) واي جهاز.. دايما خلي حاجه او اتنين منهم بس ع الكونتر والباقي يدخل الخزانه علشان تلاقي مساحه لشغلك وعلشان ما تتزيتش من بخار الاكل.

10⤴مش لازم تغسلي بالاسفنجه كل حاجه استغني عنها ان قدرتي ودايما استخدمي الفرشه الي ليها ايد افضل وهتحافظ علي ايدك من تدمير صابون الاطباق .

11⤴لو عندك بويلر او غلاية نضفيها أسبوعيا من جوة بميه وخل سبيهم يغلو ومن الخارج نظفيها وملح الليمون

12⤴خرجي القمامة يوميا بره البيت وكل شهر رشي من كيس بودرة الصرصير الاخضر في الاركان وقدام عتبة بابك علشان الصراصير