وصفات العاصمة
ايمان العادلى
المكونات: كيلو لحمه مقطعه
نص كيلو بصل مقطع قطع كبيره
لتر ونص طماطم معصوره ومتصفيه
٢ معلقه كبيره سمنه
ملح (حسب الرغبه)
م ص فلفل اسود (حسب الرغبه)
نص م ص بهارات لحمه
م ص سكر
الطريقة:
في الحله بتاعتي ننزل بالسمنه وعليها البصل نقلب فيها لغايه ما تحمر يعني نغمقها شويه وطبعا ما ننساش رشه الملح والفلفل عليها وبعدين ننزل بقطع اللحمه نشوحها وننزل بلتر ونص من الطماطم المعصوره ومتصفيه ومعلقه سكر نسيبها تغلي 10 دقائق ونظبط الملح والفلفل بتاعها وننزل بالبهارات ونسيبها ربع ساعه على نار هاديه وبعدين نحطها في الطاجن وطبعا عارفيني لازم ازينها بقرن الفلفل الحار وعلى الفرن لغايه ما تاخد وش مش اقل من نص ساعه على درجة حرارة 200 ويا سلام بقى لو شويه روقاق طري
وبالف هنا
