وصفات العاصمة

 

 

المقادير 👇👇

للصلصة:

كوب كاتشب

معلقة كبيرة عسل نحل

معلقة كبيرة عسل أسود

معلقة كبيرة صويا صوص

معلقة كبيرة خل

ربع معلقه صغيره (ملح، توم بودر، بصل بودر ، شطة)

ربع كوب من صلصه الباربكيو(اختياري)

 

للرز

٢ كوب رز مصري مغسول

بصلة صغيرة مقطعة مكعبات صغيره

توابل ربع معلقه من( ملح، فلفل اسود ، بابريكا، كركم، كاري)

٢ معلقة صغيرة ممسوحة سكر

مكعب مرقة دجاج

ربع كوب من الصلصة اللي فوق ☝️

 

الفراخ:

صدور فراخ مقطعة اصابع

المكونات الجافة:

٢ كوب دقيق

( ملح، فلفل اسود، توم بودرة ، زنجبيل بودره ، بابريكا)

 

الطريقة 👇👇

هنجهز أول حاجة الصلصة ، هنحط كل مكونات الصلصة في بولة و نقلبها كويس جدا

هناخد حوالي ٣ معالق كبار من الصلصة و نتبل بيها الفراخ و نغطيها و نسيبها في التتبيلة مش اقل من ساعة

في الحلة اللي هنعمل فيها الرز ، هنحط معلقة كبيرة زيت و معلقة كبيرة زبدة و اول ما الزبدة تسيح نحط السكر و نقلب لحد ما يبدأ يتكرمل و لونه يبقى دهبي ، هنا هنحط البصل و نشوحه و نحط مكعب المرقة و لما يدوب ننزل بالتوابل بتاعه الرز اللي مكتوبه فوق ☝️ وبعدين هننزل بربع كوباية من الصلصة و نقلبهم و نحط الرز و نقلبه كويس و بعدين نحط مية مغلية و نغطي و لما الرز يتشرب المية نهدي النار خالص لحد ما يستوي

 

هنيجي بقى للفراخ ، هنجهز المكونات الجافة كلها في طبق و نقلبهم كويس و جنبه طبق غويط فيه ميه ، هناخد كل قطعة فراخ نغلفها بالدقيق و بعدين نحطها في المية و نرجع نغلفها تاني بالدقيق ، بعد ما نخلص الكمية هنقليها في زيت درجة حرارته متوسطة ، مش هياخد وقت هيستوي على طول و تاخد لون دهبي .

 

هنقطع قطع الفراخ بعد ما اتحمرت لمكعبات كبيرة و نقدم الرز في طبق و عليها قطع الفراخ و نحط على الوش باقي الصلصة 👌وبالهنا