وصفات العاصمة

 

تحليه شيوكلاته  سريعه فى 10دقايق

إيمان العادلى

المكونات

2باكو كبير بسكوت شيكولاته

معلقتين زبده سايحه

علبة دانيت شيكولاته

معلقه ك مكسرات مجروشه أو سوداني

الطبقه التانيه ⁦

2كوب ك للبن بارد

4معالق ك سكر

2معلقه ك كاكاو خام

3معالق ك نشا

ذرة فانيليا

4قطع شيكولاته اى نوع تفضليه

الطريقه

نطحن البسكوت أو نكسره خشن وننزل عليه بالزبده والمكسرات والدانيت ونقلب المكونات مع بعضها لحد ميتكون معاكي خليط رملي متماسك  هتجيبي اطباق التقديم وتنزلي بخليط البسكوت ف كل طبق وتضغطي عليه بمعلقه لحد مايكون متساوى

تاني طبقه في كسروله هنضيف اللبن والنشا والسكر والكاكاو الخام والفانيليا ونقلبهم عالبارد كويس ونرفعهم عالنار واول الخليط ميسخن ننزل بقطع الشيكولاته ونستمر ف التقليب لحد منحصل عالقوام المظبوط ونضيف الخليط ع طبقة البسكوت ونستنى يبرد وبعدين نسيح شيكولاته ع حمام بخار مائي ونزين الوجه ونضيف مكسرات للتزيين أو كرسبي وبالهنا