وصفات العاصمة

 

إيمان العادلى

 

 

1.السمك أستنى لما الزيت يسخن كويس و أبدئى أقلى وحطى قشر الليمون اللى عصرتى منه على الخلطة وطبعا ف مية نزلت من السمك بعد ما قعد فى التتبيلة صح حطى شوية فى الزيت وانتى بتقلى وشمى بقى ريحة التتبيلة الرووووعة

 

2.الكفته المقلية بتفك حطى قطعة فينو مبلول ومعصور من المية او بقسماط مطحون او معلقتين دقيق او نشا

 

3.سر كفتة الحاتى البيكنج بودر بينفش وكمان اللحمة متكونش حمرة خالص لا خلى فيها حتة دهن او لية تتفرم معاها وخلى البصلة تصفى من المية وحطى التفل والمية مع توابل وشوية زيت ادهنى بيها وانتى بتصبعى وتشوى بالفرشة ادهنى

 

4.اى تقلية بصلة خليها دهبى بلاش تغمقى البصلة بيبقى شكلها وحش فى الصلصة

 

5.البيض قبل ما تضيفيه لأى وصفة اكسرى فى طبق صغير كل واحدة لوحدها

 

6.وانتى هتقلى السمك حطى الدقيق على كيس بلاستيك وأما تخلصى لفى الكيس وحطى فى الباسكت ع طول

 

7.وانتى بتتغدوا خلى تنضيف الشوك فى طبق ولما تخلصى فضى فى شنطة واربطيها وحطيها فى الباسكت

 

8.لما تيجى تسلقى لحمة أو فراخ استنى لما المية تغلى أوى واسقطى أيا كان لحمة او فراخ وبعد الريم ما يتشال تبلى وبصل وباقى الحركات والتكات بقى

 

9.المكرونة مش بنسويها اوى لا خلى فيها عضة خفيفة علشان لما نقلبها ما تكسرش وتبقى وحشة فى التقديم

 

10.الكيكة بعد الخلط اخر حاجة بضيفيها البكينج بودر

الفرن 180 الصينية مدهونة زيت بس

 

11.الطماطمالصفراء وانتى بتعمليها صلصة حطى معاها بنجر هتبقى حمرا جداااا

 

12.ورق العنب بعد ما تسقيه شوربة اعصرى ليمون على الوش او دبس رمان او لو متوفر العنقود بتاع العنب رصى فى ارضية الحلة

 

13.فراخ مشوية أو لحمة أو كفتة تبليها قبلها بيوم أحلى و أطعم

 

14.المكرونة البشاميل الناجحة اللى البشاميل بتاعها تقيل

 

15.الملوخية بعد الطشة اوعى تغطيها هتسقط منك

 

16.الخل مع العجينة بيخليها هشة جدا

 

17.خل التفاح والكربوناته حلو جدا لإزالة الصدأ من الفرن واى أوانى عن تجربة

 

18.إزالة بقعة الزيت من الملابس حطى مكان البقعة دقيق ومن الاسفل منديل طبعا قبل ما تغسليها وبعد ما المنديل يمتص الزيت تغسليها عادى

 

19.البوتجاز بعد كل طبخة تغسليه كويس

 

20.الغسيل الأبيض يوم والفواتح مع بعض والغامق مع بعض والملابس اللى أول لبسة اغسليها على ايدك الأول ويفضل تنقعيها فى شوية مية وخل علشان تحافظى على لونها