نصائح_مطبخيه
إيمى عاطف
وحل لمشاكل كتير بتحصل معانا فى المطبخ وبنسأل نحلها ازاى
اولا اقتراح لوقت الأزمات لما بكون بتشترى لوازم البيت متنسيش الحجات دى وهى علبة الأزمات لازم تكون عندك في البيت فيه فانليا كيك شيف بيكنج بودر محسن جل ڨجيتاربقسماط سميد بسبوسه بتنفع وقت الازمات لما بشتري طلبات باخدها بالباقي الفلوس من البقال ودي فكره جميله عشان ساعات بنتزنق في الحاجات البسيطة دي والوصفة بتوقف معايا عليها فقررت الفكرة دي
نيجى بقى لحلول المشكلات فى المطبخ
الكيكه بيبقا فيها مرار ليه
🍰البيكنج بودر كتير أو ما اتقلبش كويس ف الطحين
الرز بياخد شكل الحله ومش بيفلفل ليه
🍚 اولا مايته اكيد كتير هنضبط المايه ونسيبيه اخر شويه علي نار هاديه خالص وتكون الحله مقفوله كويس عشان تكتم البخار ويفلفل الرز
المكرونه البشاميل بتعجن مني ليه
🍜ابقي خلي المكرونه تلات ارباع سوا وانتي بتسلقيها
البشاميل خرز مني وعمل تكتلات اعمل ايه
👈سيبيه يبرد واضربيه ف الخلاط
الرز البايت نشف ومش هيتاكل اعمل ايه
👈ضيفي عليه نص كوبايه ميه وسخنيه علي نار متوسطه هيبقا كأنك لسه عملاه طازه
🌿 عندي كميه خضره وليمون 🍈هتبوظ اعمل ايه
احفظي الليمون زي ماهو ف الفريزر والخضره قطعيها وف الفريزر برضو بينفعو وقت زنقه خليكي ناصحه
🤷♀️معنديش فرن اعمل حواوشي ازاي
تعمليه ف الطاسه عادي خالص بس ابقي غطيه عشان مينشفش
🐟السمك المقلي بيكون طري ولونه غامق
نزليه في ميه قبل ما تقليه هيفضل مقرمش لتاني يوم ولونه دهبي
🦐الجمبري بيشد زي الكاوتش
متسيبيهوش علي النار اكتر من خمس دقائق وتكون نار عاليه
🐓الفراخ بتكون زفره مع اني بغسلها بخل
بدلي الخل بليمون احسن كتير اوي الخل بيثبت الزفاره
🍖اللحمه مش بتعمل شوربه حلوه
ابقي قولي للجزار يديلك قطعه دهنه عشان الدهن هوا اللي بيخلي المرقه حلوه ولونها حلو
