ملائكة الداون سندروم

كتبت /سماح فتح الله

 لان اكتوبر شهر الاحتفال والتوعيه بمتلازمه داون سندروم وكمان لسه فى كتير من مجتمعنا ميعرفش

حاجه عن المتلازمة غير أنه شخص ( معاق ذهنيا)أو أنه ( مرض عقلى)للاسف عندنا أخطاء كتير فى

مجتمعنا ٠متلازمه داون من الناحيه الطبيه بتكون بسبب خلل فى الكروموسومات وهى الأجسام الحامله

للماده الوراثيه والجينات فى خلايا الفرد فمن الطبيعي أن يكون عدد الكروموسومات (٤٦)اى (٢٣) الاب

و(٢٣)الام ولكن فى حالة الداون سندروم بيكون عدد الكروموسومات (٤٧)يعنى فى كروموسوم زياده فى

خلايا الجسم وده طبعا بيعمل مستويات متفاوتة من الإختلالات الجسديه بينج عنها تأخر واختلاف فى

الشكل٠وسميت متلازمه داون بهذا الاسم نسبه الى الطبيب البريطاني (جون لانغدون داون ) الذى كان أول

من وصف هذه المتلازمة سنه (١٨٦٢)٠ ده تعريف الطبى للمتلازمه لكن الطفل الداون من اجمل مخلوقات الله

وأنه مالوش ذنب أنه اتخلق كده ولادنا دول ابطال من ذهب بس الفرق أنهم عندهم تفاوت فى القدرات

ومشاكل فى الكلام ولادنا قابلين للتعلم وكتير منهم مدمجين فى المدارس ولادنا ابطال عالم فى جميع

الرياضات ولادنا فنانين فن تشكيلي واستعراض ولادنا متعددين المواهب واحنا فخورين بيهم عندنا بطله

العالم السمكه الذهبيه لبنى مصطفى حاصله على اكتر من (١٧٠) ميداله عندنا رحمه خالد اول مذيعه داون

سندروم على مستوى العالم وداخله موسوعه جينيس أن شاء الله عندنا عبدالرحمن ايمن بطل سباحه

وبينافس على عبور المانش وربنا يوفقه وغيرهم كتيرررررر جدا والبراعم القادمه بقوه أن شاء الله

زهراء بطله جمهورية رغد جمباز ميدالية برونزية فرح محمد سباحه هبه محمد صبري بطله العاب قوى

لويجين خالد فروسيه يوسف محمد سباحه بيتر سمير سباحه محمد كرم بطل سباحه وبينافس لعبور المانش

ادهم حسام سباحه جنى عمرو ألعاب قوى وغيرهم ٠ ولادنا قادرون ولكن باختلاف اظن أقصى حقوقهم انا

لما نشوفهم نحترمهم نحبهم نحتويهم مانبصش عليهم ونضايقهم منضحكش لما تلاقى واحد منهم لسانه بره

بقه غصب عنه لأن من عيوب المتلازمة أن اللسان بيكون اطول من الطبيعي لكن مع الوقت والتدريب

بيرجع طبيعي ابسط حق لما ولادنا يركبو المترو يلاقو مكانهم فاضى علشان الواقفه بتتعبهم ولادنا نعمه من

ربنا بس اللى يقدرها خلو بالكم كل واحد فينا كان من السهل اوى يكون داون سندروم من فضلكم احسنو

النظر إلى اولادنا وبناتنا لانهم عند ربنا افضل مننا كلنا

 عايزين كلنا نشر الوعى المجتمعى فى بلدنا عايزين نتقدم لازم كل واحد يبدأ بنفسه(ضعاف الامه بيهم

تنصرون وبيهم ترزقون)وتحيه لكل ام عندها داون سندروم ولادنا تاج على راسنا