مساء الخير عليكم جميعا هي مشكله وفضفضه في نفس الوقت
انا عمري 30 سنه مطلقه ومعايا بنتين، حبيت واحد من اربع سنين، مش متجوز قبل كده فضل يوعدني ويحلف وياقسم ويوعد ربنا قبل مني ان عمره ماهيبعد عني وعمره ماهيسبني لا انا ولا بناتيطول السنين دي اكتشف خيانه وانه بيكلم بنات وقرف ويحلف ويرجع تاني يخوني، وعرفت بالصدفه انه كتب كتابه ع واحده هناك وانا معاه ومعرفتش غير بعدين كان طلقها قبل الجواز وبعدينوجه قالي في يوم السنه اللي فاتت انا اسف لازم اتجوز عشان اهلي مصممين وجيبين ليا عروسه، طبعا انهرت واتقهرت فضل بقا يحلف ويوعد ويعيط ويقولي متسبنيش من غيرك اموت للاسف وافقت زي الهبله واتجوز من سنه بالظبط ومن يوم مااتجوز وانا عايشه في مرار وذل وخسيت النص ونفسيتي تحت الصفر وطبعا الغلط عندي انا، خلاص كده لا يشاء ربنا ان مراته تسافر ليه اجازة وتعرف كل حاجه رقبت الواتس بتاعه وشافت كلام معايا، اللي انا فيه منهارة وبقوله ابعد عني وملكش دعوه بيا تاني وهو يقولي معنديش استعداد اخسرك اقسم بالله الاجازة الجايه هنزل اتجوزك، طبعا مراته حكيت كل ده لاهله، لاقيت امه بتكلمني وتقولي ابعد عن ابني انتي هتخربي بيته وانتي بتبتزيه وهجيبك وخافي ع بناتك وحوار كبير انا اصلا مليش دخل فيه، المهم بقا من يومها مفكرش يكلمني مفكرش حتي يعتذرلي ع سنين حياتي اللي ضاعت كل حلفانته وعوده كدب، كل حاجه خربت، لا قادرة اقف تاني ولا عارفه انزل اشتغل ولا عارفه اعيش شهور بموت من الوجع، انا كنت حاسه وكنت بقوله انا مش واثقه فيك كان بيحلف كميه حلفان تخليني استحقر نفسي اني مش مصدقه، اعمل ايه اعيش ازاي، انا عارفه ان ربنا رحمني منه ونجدني، بس قلبي خلاص بقا ميت،
انا دلوقتي تعبانه جدا نفسيا ومعنويا وكل حاجه، بدعي ربنا كتير يخفف وجع قلبي واني انساه،
طيب عاوزه اشتغل هسيب بناتي لمين؟
طيب انا عندي يائس فظيع ووالله نفسي ا**)موت اووووي، كسرني ودمر حياتي 4شهور بموت وبس
بالله عليكم ماحد يغلط فيا، والله العظيم مش حبيته بجد، ووالله ماناقصه
رد بريد قراء بوابة العاصمة
عشان نبقى نحترم تعاليم الدين
ربنا قال (ولكن البر من اتقى وائتوا البيوت من أبوابها )
هو حرامي وجه من الشباك وأنت اللي فتحتيله
وخذوها قاعدة
أي علاقة لا ترضي الله في بدايتها لن ترضيك في نهايتها
نقطة ومن أول السطر
