محتاج رأيكم ف موضوع مضايقني جدا .. انا فرحي المفروض كمان اسبوعين وحصل كذا موقف من حمايا باختصار شديد

اولهم من فتره صغيره بسبب تكاليف الفستان والميك اب بلغتها باللي انا عامل حسابي عليه وراحت اختارت بادجيت اعلي مره ونص رفضت وقولتلها اني مش معايا اصلا لاي مصاريق زياده لسه الشقه فيها شغل بعدها بكام يوم كنت عندهم فا ده دخل قعد والموضوع اتفتح فقاللي انه مينفعش اقول معييش قولتله طب واللي فعلا معاه المبلغ ده وعاوز يمشي علي اد اللي معاه يعمل ايه ؟ قاللي نصا يبقي ميتجوزش .. كبرت دماغي عشان البنت فعلا كويسه ومدققتش معايا ف اي مضاريف تانيه واستلفت باقي المبلغ واديتهولها ارضاءا ليها وانا عارف الموضوع ده بيفؤق مع الينات جدا .. بس موقفه ورده مضايقني جدا مقدرش ان مفيش اب موجود ولا حد بيساعدني

الموقف التاني كنا متفقين علي مؤخر ودهب بقيمه معينه ف قولتله هنشيل جزء من المؤخر وهنحطه للدهب عشان مصاريق الماذون كده واتفقنا علي مبلغ معين ويوم كتابة القايمه قاللي هننزل المؤخر كمان شويه ونحطه للدهب قولتله مش مشكله تسلم .. كنت بقرأ كده تخاطيف وهو بيكتب والله ما لاي حاجه فضول مش اكتر وخلصها ومضيت من غير ما اراجع حتي ولا اشوف فيها حاجه ولا كان الورقه دي فارقه معايا اصلا .. النهارده بيص ف قسيمة الجواز لقي المؤخر مبلغ غير اللي اافقنا عليه اول مره .. لكن نفس المبلغ اللي اتفقنا عليه ساعة كتابة القايمه .. قاللي لا انت كده بتستغفلني وغيرت كلامي قولتله والله انت اللي قولتلي واتفقنا علي كده قاللي لا محصلش وهتجيب لبنتي خاتم بحق فرق المبلغ .. قولتله ده اتفاقنا الاخير اللي موحود ف القسيمه والله قاللي لا انا عارف بقول ايه كويس اتصل بابنه والحمد لله ابنه اكد كلامي .. بس برده تعنته مضايقني وانه كدبني وخوني مضايقيني .. ودلوقتي بفكر اقوله زي مادورت علي حقك انا كمان حقي اللي يتكتب ف القايمه يبقي مطابق للي جه بالظبط لاني للاسف اكتشفت حاجات من اللي شوفتها مش موجوده اصلا .. وغالبا لو عملت كده الموضوع هيتعقد وممكن يوصل لطلاق .. فا انا مش عارف اعمل ايه

خايف غلي كسرة نفس البنت بس كده كده مش هعدي الموقف ده .. ولو وصلت لطلاق ايه حقوقهم اللي يقدروا ياخدوها بالقايمه دي اللي ندمت اني تعاملت بحسن نية اقشم بالله ومضيت عمياني كده ؟ انا كنت سامع انهم بياخدوا كل حاجه تخص العريس والعروسه

رد بريد قراء بوابة العاصمة

المهم البنت ومتنساش أن مفيش تعاملات مادية تانية وربنا يهديكم لبعض …بس تتكلم معاها أن بعد الزواج حياتكم انتوا الاثنين بس مش مسموح حد يتدخل واي خلاف تعالي اشتكيلي مني هاخدلك حقك ….ولو هو غلطان حط في اعتبارك أنه اب وشايف أنه بيحافظ على حقوق بنته وطالما اخوها حقاني وقال في وش باباه يبقوا عيلة كويسة متقلقش

؟