ماذا نفعل عند ظهور أعراض كورونا ؟
غالبية الناس هيجلها واكتر من ٨٠% هيخف من غير مشاكل ان شاء الله وهتكون اعراضه بسيطة.
إيمان العادلى
لو ظهرت عليك أي أعراض من اللى هقولها دى اتعامل انها كورونا ما تحاولش تثبت العكس اتعامل انها كورونا وخد علاج واتعزل فى البيت
١- اسهال خد انتينال أو فلاجيل اول جرعة قرصين وبعدين قرص كل ٨ ساعات لو طفل يبقى انتينال شراب تلات مرات ف اليوم
٢ – صداع وتكسير بالجسم وارتفاع ف درجة الحرارة هناخد باندول الازرق تلات مرات ف اليوم او ادول تلات مرات أو سيتال أو بارسيتمول تلات مرات ف اليوم هاخده بشكل منتظم ع الأقل اربع ايام مش وقت ظهور الأعراض بس
٣- وجع ف البطن هاخد بسكوبان أو فسيرلجين تلات مرات ف اليوم
٤ كحة ناشفة هاخد نوتسيل ١٠ سم مرتين يوميا وتلفاست قرص بليل عند النوم
٥_ لو الأعراض بتاعتى زايدة شوية بمعنى الحرارة عالية اكتر من ٣٨ ونص والكحة متوصلة هنزود مضاد حيوى زيثرومكس ٥٠٠ قرص يوميا لمدة تلات ايام
٦ لو حسيت أن صدرى مكتوم هجيب جهاز الجلسات واعمل جلسة اتروفنت ف البيت
فنتال بخاخ عند اللزوم
٧ اعراض مؤكدة للإصابة فقدان الشهية وحاسة الشم والتذوق
مهم جدا للمريض أنه يأكل كويس قاوم وكل مش قادر ممكن ناخد فاتح شهية ديجستين قرص قبل الاكل بربع ساعة
٨ اشرب سوائل كتير الفيروس ده بيعمل جلطات اشرب ع قد ما تقدر طول ما انت قاعد اشرب بالله عليك عصاير كتير ودافى كتير
لو وزنك كبير او عندك امراض مزمنة زود ع العلاج اسبوسيد عشان نقلل نسبة حدوث جلطة
لو فيه امكانية نتابع سيولة دم ممكن ناخد كليكسان أو كالهيباربن حقنة يوميا تحت الجلد خصوصا للناس اللى وزنها كبير وعندها امراض مزمنة
9 لو حد اعراضه زيادة وراح الحميات هيدوله ostemavir ده علاج مضاد للفيروس بيتاخد قرص كل ١٢ ساعة
الكلوروكين بتاع الملاريا فعال لو اتاخد اول تلات ايام بيتاخد اول يوم قرصين كل ١٢ ساعة وبعدين تانى وتالت يوم قرص كل ١٢ ساعة لو مريض قلب ما ينفعش تاخده برة المستشفى
قد يكون عندك كورونا وتخف من غير اى علاج بس التزم بالعزل والأكل الكويس وشرب الدافى والنوم الكويس والتعرض للشمس
