بوابة العاصمة
مقالات مشابهة
متابعة / محمد سليمان السمالوسي
لسه راكب ع الفرس
م انت فارس
من زمان
صوت عدوك انخرس
و انت مين
زيك كمان
لسه قابض ع اللجام
قبضتك ماسكة الزمام
هو ده آخر كلام
و لا مجنون الفرس
شوف كده
لا يكون معافر
و لا متمرد
و نافر
و لا حر مهوش رخيص
ينفر الرفض ف وريده
هو عبدك و انت سيده
و لا في بينكم سلام
الفرس زي الحمام
لو أصيل مش رح يسلم
إلا لو حبك معلم
ينترك تصبح مهان
يجري بين خضرة و ميه
حر ده ابن البرية
و السما هي اللحاف
بحر ما يوقف جنونه
و الجبل شكله ولونه
و الطبيعة بتناديه
يسكن الحلم ف عيونه
قلبه يرقص ع النسيم
لما بيهز الشجر
صوت نغم
عصفور
وتر
و لا ناي
يرجف
حزين
من دموع
المجروحين
الفرس
شامخ لحاله
حتي صوته
مش حزين
ينطلق بين الفايفي
يسحرك
لو كنت مين
يأسر الدم ف عروقك
تصبح السلطة لمين؟!!
كل فارس لو يفكر
الفرس يصبح حزين
يجب عليك تسجيل الدخول لكتابة تعليق.