كيك البرتقال

إيمان العادلى

المقادير

3بيضات

كوباية وربع سكر ولو عاوزاها مسكرة خليها كوباية ونص

فانيليا و م ك خل

كوباية زيت وانا حطيت كوباية الا حاجة بسيطة

كوباية من (عصير برتقان +كوباية زبادي )

عصرت برتقانتين من غير ماحطلهم ماية وصفيتهم

وجبت كوباية زبادي جهينة الصغننة دي وقلبتها بحيث تبقي طرية وخلطتها مع البرتقان بحيث يبقي كوباية من نفس معيار المقادير

و2كوب ونص دقيق بنخلهم 3مرات

م ك بيكنج بودر انا يستخدم محسن كيك دريم

ورشة ملح

الطريقة

ف الخلاط بضرب البيض والسكر والفانيليا كويس مع بعض الاول 3 دقائق كدة

وانزل بالزيت بعد كدة واضرب

وبعد كدة الخليط ده انزله ع الدقيق والبيكنج بودر واقلب بمضرب سلك عادي واخر حاجة اضيف كوباية العصير واقلب

الفرن سخنة والصينية بطنتها ورق زبدة وقطعت طرنشات برتقانة ورصيتها كدة ونزلت بالخليط الكيك ف الفرن ع ١٨٠ قعدت ٣٥ دقيقة بالظبط