الحمد الله كتير في العالم الافتراضي ده يعرفني علي ارض الواقع وكمان فيه اصدقاء عرفتهم وقابلتهم من خلال العالم الافتراضي ده يعني 80%من هنا يعرفني كويس جداا
انا واحد من الطبقه اللي تحت الصفر بمليون صفر كمان واحد عايش يومه بيومه لا عندي رصيد في البنوك ولا عندي عربيه بصرخ زي كتر جداا من غلاء الاسعار ارتفاع الكهربا ارتفاع الغاز بصرخ اه بصرخ لكن قبل 2011كنا عايشين وحدثت نكسه 2011 وما حدث في سنتين لغايه 30.6 فبدل ما كنت بصرخ اني عايز اعيش بقيت عايز اعيش وعايز امان وعايز امشي في الشارع مطمئن عايز لما امي او ابني يتعب اعرف امشي 10كيلو للمستشفي العام نص الليل من غير ما حد يثبتني او ياخد موبايلي او ياخد فلوسي وجت 30.6 وحسينا من كلام الفريق عبد الفتاح السيسي انه جراح ماهر عارف مشكلنا وحاسس بيها بس للاسف كان وزير دفاع ودستور 2014محصن منصبه لا حد يقدر يقرب من منصبه ولا حد يقدر يعزله يا سنه سوخه يا ولاد حتي اللي حاسس بينا وقال انتم نور عنينا مش هيمسكنا
نزلنا الشارع نطالبه يبقي رئيس عملنا مؤتمرات نطالبه سيب منصبك المحصن وتعالي لمنصب لن تنجي من ورائه غير خفض شعبيتك والاهانه من خونه في الداخل والخارج سيب يا عم منصبك احنا عايزينك للاسف لانه جراح شاطر قال لينا كل الاوجاع قال لينا هتتعبو قلنا موافقين قال احنا فقراء قلناهناكل مره في اليوم وهنستحمل قال لينا مش هترجعو في كلامكم حلفنا اننا علي العهد سائريين
ونجح السيسي ودور ازاي يرجع الامان بجد وازاي نمشي في الشارع زي الاول وفي اي وقت ازاي مش تجلس قلقان علي امك او اختك او زوجتك الي خرجت
و كل الدول بتحاربه وغير معترفه ب30.6 وخونه الداخل اصبح بعضهم في الخارج بعد ما استطاعو الهرب لتحتويهم قطر وتركيا وتفتح لهم قنوات لبث سمومهم…
والسيسي جاء والعالم اللي وقف ضده جعله ينحني له والكهرباء اللي بتقطع بالساعات بقينا اكبر مصدريها وشبكه طرق ومدن كتيره وعاصمه اداريه زي ما محمد علي بني مصر الحديثه الان السيسي يبني مصر الحديثه
استني يا عم وجدي احنا بنقول عايزين نعيش وناكل ونشرب مالنا بقي ومال ده
ياعم ما هو عمل تكافل وكرامه اللي شبهي يعشو منه خلي التموين الضعف وبلاش قال اشتغلو ومش تجلسو علي المقاهي علشان علي الاقل توفر قوت يومك قال معلهش عارف بتتعبو قد ايه بس انا من البدايه قلتها ليكم هتتعبو معاي وكل يوم قنوات الخونه تبث السموم وتبث ويظهر لينا كل شويه متامر وخاين جديد وطبعا الدول اللي يهمها خراب مصر بتسرف عليهم ببذخ وفاتحه ليهم ارصده علي المكشوف وكمان هنفبرك ونزور الحقائق ولكن شعب مصر واعي وفاهم واي خائن واي عميل هو اللي بيظهر وبيطالب بثوره جديده
والي اللقاء في التكمله ان شاء الله
ملحوظه
تذكرو ما حدث في وكسه 2011 واحمدو الله علي الامن والامان
مصر باقيه والرئيس السيسي جراح ماهر يضيع يده علي كل عيوبها حتي يجعلها ام الدنيا واد الدنيا بجد
يجب عليك تسجيل الدخول لكتابة تعليق.