قطار العاصمة الكهربائي من محطة عدلي منصور إلي المدينة الرياضية الاوليمبية 

متابعة / فاطمة عبدالواسع

اعلن الفريق كامل ان قطار العاصمة الكهربائي اللي هيخرج من محطة مترو عدلي منصور وكان مقرر له انه يقف في منتصف العاصمة الادارية انه هيكمل جنوبا موازي للدائري الاقليمي حتي جنوب طريق القاهرة العين السخنة ويقف عند المدينة الرياضية الاوليمبية العالمية الجاري تنفيذها حاليا واللي هيكون فيها استاد كرة قدم و٢ صالة مغطاة ونادي فروسية ومباني رماية وتنس واسكواش وغيرهم

وبكده يكون تكلفة قطار ال LRT حوالي ٢ مليار دولار (٣٢.٦ مليار ج) ويكون حلقة وصل بين اكتوبر – حدائق الاهرام – المتحف الكبير – وسط البلد – مصر الجديدة – مدينة نصر – موقف العاشر -العبور – المستقبل – الشروق – بدر – الروبيكي – العاشر من رمضان – العاصمة الادارية – جنوب العاصمة الإدارية وكمان مناطق القاهرة القديمة والفسطاط والتجمع الخامس و القاهرة الجديدة والرحاب من خلال مونوريل العاصمة والخط الرابع للمترو

قطار ال LRT وصلت معدلات التنفيذ الكلية فيه ل ٢٥%

ووزاره النقل بتخلص تصميمات ودراسات الخط الخامس والسادس وبتخلص الوزارة كمان مفاوضات تنفيذ قطار سريع (٢٠٠كم/س) وبطول ٥٠٠ كم مع الممولين الأوروبيين لربط كل المدن دي بالغردقة والجلالة والسخنة واسكندرية والعلمين كمرحلة اولي من قطار جديد تماما بطول ٢٠٠٠ كم لربط الصعيد كله بشبكة القطارات السريعة دي