قسم جديد بآمال جديدة لمن لم يلحق الطب والصيدلة بجامعة كفر الشيخ

ايه المواد الي هيدرسها طالب المعلوماتية الحيوية ..؟
فـ القسم ده بتدرس أساسيات تساعدك فى التخصص مختلفه عن باقى الأقسام زى biology و bio chemistry و Biophysics بجانب مقررات Mathimatics و Biostatistics و مواد computer science و Information Systms , Information Technology و فى السنوات المتقدمه بتدرس حاجات متقدمه فى التخصص زى Biological Data Mining – Bioinformatics – Genetics Engineering – Biological and Biomedical database systems و غيرها كتير من المقررات اللى بتأهلك للعمل فى المجال.
و مجال الدراسة بيكون ازاي ؟
دراسة الطالب للمعلوماتية الحيوية بتتمثل في مجالات زي :
جمع وتخزين واستخدام البيانات الطبية
و تحليل البيانات الطبية واتخاذ القرار الطبي
و إدارة نظم معلومات الرعاية الصحية

ايه الي بيميز القسم ده عن باقي أقسام الكليه ؟
وبيميز خريج قسم المعلوماتيه الحيويه اكتسابه لمهارات معرفية وتحليلية وتطبيقية متفردة في تصميم النظم الطبية وتحليل البيانات الحيوية وده الي مش بيبقا متاح لخريجين الأقسام الاخرى.

ايه هيا مجالات العمل لخريجين القسم ؟
مجالات العمل لخريجين القسم مفتوحة وكتيره بشكل كبير.
بحيث إنه يقدر يشتغل في المستشفيات ونظم الرعاية الصحية ومختبرات البحوث أو حتى في شركات المعلوماتية الصحية وشركات التأمين الصحي وحتى شركات التكنولوجيا الطبية.
ده غير إن له القدرة انه يشتغل في المجالات الخاصة بعلوم الحاسب والمعلوماتيه كمطور برامج ومحلل ومصمم نظم ومدير قواعد بينات ومهندس شبكات .

طيب ازاى اقدم فى القسم ده؟

القسم ده بيقبل طلاب الثانوية العامة شعبة علمى رياضه مباشره من خلال التقديم عبر مكتب التنسيق ثم التقدم للقسم من خلال تنسيق داخلى بالكليه أو التحويل للكليه من كليات أخرى لطلبة علمى علوم عن طريق التحويل ورقيا من خلال مكتب التحويلات بالجامعة بشرط الحصول على مجموع اى كلية حاسبات او اعلى.

طيب المصروفات كام؟
المصروفات بتختلف من جامعة لاخرى بس كلية الحاسبات والمعلومات جامعة كفرالشيخ تعتبر اقل مصروفات على مستوى جميع كليات الحاسبات 13600 مقسمين على دفعتين وكمان شملين الكتب واى مصروفات أخرى.

وبعد ارتباط كل مجالات حياتنا ونشاطتنا اليومية بالتكنولوجيا الحديثة نقدر نقول ان مجال المعلوماتيه الحيويه هو واحد من أكتر المجالات الرائدة في الوقت الحالي في مصر والعالم.

اعداد د. عمرو ابوهانى
المدير التنفيذى للمشروعات بجامعة كفرالشيخ
د. امنه محمود
نائب مدير وحدة التعلم الالكتروني بجامعة كفرالشيخ…