طبيب بيطري

بقلم .. رانيافوده ?

انا داخل أذاكر جوا
ف بلييز ما تعطلونيش ?

هفتح أبواب العلم ?
وهقفل ع الجهل الشيش ?

ثانويتي العامة دي عامية ?
بعبعها ما يعرفنيش ?

شاطر وبذاكر سوسه ☺
في قاموسي الصعب مفيش ?

فيزيا و أحياء عديتهم
والكيميا دي كات بقشيش ?

97% يا خسارة ما كفتنيش ?
ففتحلي البيطري دراعه
فحضنته وقولت هعيش?

وصفولي الجامعه جميله
فلقيتها أصعب م الجيش?

سنه أولي وتانيه لخمسة
ليه البيطري ما فهمنيش؟! ?

خلصت مفيش تكليف ??
وتقديري يادوب علي أدي ?
ونقابتي عنيها بصيره ?
بتدوس أحلام وتعدي ?

فلقيت في الفيلد مكاني
أحسن م الإيد علي خدي ?

مهما يكسروا مجاديفي
بنفسي انا هصنع مجدي ?

انا داخل اذاكر ماستر ?
ونجاحي هيكون ردي
ع اللي يقول ان البيطري
مالهوش مستقبل وردي ??