سكوتك طال
كتب: خالد المنصوري/مصر
ليه يا حبيبتي سكوتك طال
ولا جزاء عشقي كان الإهمال
ليه يا حبيبتي راح تنسيني
وتحرمني من ضيك وتسبيني
ردي وجاوبي عليا أوام
أنا مخدوع ولا دي أوهام
ردي عشان قلبي الحيران
يعرف ايه لغز النسيان
لو فيه عتاب تعالي نتعاتب
أنا لسكوتك ده مش حابب
قوليلي أنت غلطت في حقي
ولا بصيت لغرامي وصدقي
قوليلي أنت كنت وتر مشدود
بيعزف لحن علي أمل مفقود
قوليلي أنت خلاص بقيت إعصار
تقلب كل هدوئي ف ثانيه دمار
قوليلي عشان قلبي يرتاح
يمكن أفوق واتمنى السماح
قوليلي عشان يهبط بركاني
وتطفي رياح اللي ولعت نيراني
قوليلي عشان ليكي انا بتمنى
ترسمي ليا طريق في الجنة
قوليلي وحكيلي انا اللي استاهل
حاسس بيكي وبعمل اني جاهل
لاء يا حبيبتي خلاص أنا مسلم
عمري ما هسمح بجرحك يعلم
لأن في جرحك هيكون موتي
ده انتي حياتي ونبضك صوتي
ليه يا حبيبتي سكوتك طال
ولا جزاء عشقي كان الإهمال
ليه يا حبيبتي إنتي هتنسيني
وتحرمني من ضيك وتسبيني
ردي وجاوبي عليا أوام
أنا مخدوع ولا دي أوهام
