رموش الست
ايمان العادلى
المقادير
👈نصف كوب سميد ناعم
👈كوب وربع دقيق
👈 نصف كوب زبده او سمنه بدرجة حرارة الغرفه
👈معلقتين كبار سكر بودره
👈معلقتين كبار جوز هند ناعم
👈بيضه
👈 نصف معلقه صغيره فانيليا
👈 نصف معلقه صغيره بيكنج بودر
👈 معلقه كبيره حليب
طريقة التحضير
– في بوله نحط الزبده على السكر البودره ونضربهم كويس بمضرب يدوي لحد ما يذوب السكر تماماً وبعدين نضيف البيضه والفانيليا ومعلقة الحليب ونضرب كويس لحد ما تختفي البيضه.
– في طبق تاني ننخل الدقيق ونضيف معاه السميد وجوز الهند والبيكينج بودر وبعدين نضيفهم على خليط الزبده والسكر البودره ونحرك لحد ما العجينه تبقا متماسكه.
– نحط الخليط بدون عجن في كيس نظيف وندخله التلاجه لمدة نصف ساعه.
– ناخد مقدار معلقه من العجينه ونكورها ونشكلها زي الصوره وندهن الوجه صفار بيضه وحليب مع رشة فانيليا باستخدام الفرشاه.
– ندخلها فرن مسخن مسبقاً على درجة حراره 180 لمدة 25 دقيقه لحد ما لونها يبقا ذهبي نخرجها ونسقيها شربات خفيف بارد ونصفيها ونزينها بالفستق المفروم او جوز الهند حسب الرغبه. وبالهنا والعافية
يجب عليك تسجيل الدخول لكتابة تعليق.