بسكوت شوفان صحي مقرمش بالشوكولاتة

 

الواحدة ٥٠ سعر حراري فقط

سناك تاخد ٣ مع نسكافيه

مناسب لمقاومة الانسولين والسكر

 

المقادير:

واحد وربع كوب دقيق شوفان

١/٤ كوب كاكاو خام

رشة نسكافيه او قرفة او فانيليا

٢ معلقة زبدة بلدي ساقعة

٢ معلقة عسل ابيض

لبن خالي الدسم حسب الاحتياج للم العجينة

رشة ملح

١/٢ معلقة صغيرة بيكنج باودر او بيكنج صودا

 

الطريقة:

– في بولة هنخلط كل المكونات الجافة

– هنضيف الزبدة ونفرك الدقيق فيها بادينا بحيث كله يتغلف بيها

– نضيف لبن حسب الاحتياج للم العجينة

– هنفرد العجينة رفيع على سطح مرشوش كاكاو ونقطعها بالقطاعات

– نرص البسكوت على صينية مبطنة ورق زبدة وندخله فرن متسخن على ١٨٠ لمدة ١٢ دقيقة

– لما يخرج نسيبه يبرد وهنلاقيه بقى مقرمش

– الوصفة تعمل ١٥ بسكوتة..