اول حالة وفاة كورونا بمستشفى العديسات بالاقصر الميت طلع مش هو

الاقصر– حماده النجار السليمى

فى واقعه غريبة جدا وطريفة حدثت مع
على عبود القرعانى المسئول وصاحب
مبادرة تغسيل وتكفين موتى كورونا
قال القرعانى .لقد تلقيت اتصال
تليفونى من دكتور عمرو سليم مدير ادارة الطود الصحية بالاقصر الساعة ٢صباحا

قال لى فى حالة توفت بمستشفى العديسات وهى اول حالة بالمستشفى وسيتواصل معك الدكتور احمد مدير المستشفى
قلت له انا جاهز اتفقت مع سيارة الخير لكى نتحرك فى اى وقت ولكن لم يتصل احد نمت بعد صلاة الفجر
وفى التاسعة دق جرس التليفون

من دكتور احمد مدير مستشفى العديسات وقال لى بكلمك عن الحالة المتوفية
قلت له تمام مسافة السكة سوف اكون عندك تحركنا بالسيارة ووصلنا المستشفى بالعديسات وانا فى حالة ثبوت نفسى وتوقعت اننى سوف اجد حالة من الرعب والخوف بين الجميع لانه مستشفى جديد واول حالة تتوفى عندهم وفعلا الكل مرتبك وقلت لهم مبروك عليكم العزل كام حالة دخلت حتى الان قالوا سبع حالات منهم حالة توفت اللى انت جاى تغسلها
المشهد الثانى
توجهت الى المشرحة ومعى دكتور وأحد الموظفين بالمستشفى.
قلت لاهم عادى واحنا متعودين لنا شهور الان قالوا لازم تاخد الاحتياطات والاجراءات الوقائية .
دخلت لبست لاول مرة اللبس الواقى بالكامل لانها مستشفى عزل واصر الموظف حتى الحذاء لبست عليها واقى.
المشرحة جديدة بتلمع ولا يوجد بها اى شئ يساعد على الغسل الا خلاط حنفيه لن يساعدك وبدأت اطلب جرادل واكواب كفن وبعض الاشياء
بدات اغسل المغسلة بالماء من التراب وانا لوحدى والذى خرج من جوارى تاخر كثيرا
فى المشرحة تسمع اصوات وتخبيط كان هناك من يخبط بالداخل لدرجة اننى اقتربت منها وقلت ايه ياعم انت حى وصحيت ولا ايه وكدت ان افتحها لكن افتكرت انه مات من بالليل حتى لو صحى حيموت من جوه وبعدذلك .
جاءت الاشياء البسيطة وبدأت أجهز للغسل وطلبت من احد الموظفين ان ياتى بابناء الحالة لكى يساعدونى ولو بصب الماء
دخلوا عليه اثنين ابناؤه
قلت لهم معكم كفن
قالوا لا مانعرفش اى حاجة
اتصلت فى طلب كفن
خرج ابن وظل الاخر معى واقتربنا من المشرحة
وبدأت اشجع فيه عرفته بنفسى وقلت له مفيش حاجة واحنا شغالين لنا شهرين الميت مش بينقل المرض كل ده علشان يثبت مع ويتحمل واشجعه
رد عليا وقال لى عادى انا شلتها
رديت فى ذهول شلت مين
قال لى شلت امى ماهى اللى ميته دى امى
فقلت له امك ولا ابوك قال امى
فرديت عليه ازاى وانا حغسل امراة حتودونا فى داهية ده حرام شرعا ازاى وطلبت على وجه السرعه مدير المستشفى وقلت للابن ده انت ماينفعش تغسل امك
الا الزوج والزوجة اللى ممكن يغسلوا بعض. وقال ايضا على القرعانى
وخلعت اللبس وانا مش عايز اضحك على الموقف ولا ابكى على الوضع اللى بشوفه
وده كله بسبب الخوف وحالة الارتباك لدرجة ان الكل اعتقد خطأ اننى ممكن اغسل المراة عادى .
تخيلوا لو فتحت الثلاجة وطلعتها على المغسلة ولقيتها ست مش راجل . وبعد ذلك قمت بالاتصال ب أم اسلام. المسئولة عن تغسيل وتكفين النساء المتوفيات بكورونا فى الاقصر .