الخروب

إيمان العادلى

ناس كتير بتختلف ع طريقته ودي الطريقه الصح

المقادير:

ربع كيلو خروب

2 كوب سكر

2 لتر ماء

الطريقة:

نجيب حلة وتسخن ع النار كويس وبعدين نحط السكر ونوطي النار عشان يتكرمل معانا واول ما لونه يتغير نمسك الحلة ونهزها بأيدينا مش بالمعلقة عشان ميعملش كتل واما تلاقيه كله لونه اتغير ابتدي تقلبيه بالمعلقة لحد اما يكون لونه اغمق من الفاتح بشويه مش أوي عشان ما يتحرقش معاكي وبعدين تحطي الخروب النظيف وتقلبيه كويس مع السكر وبعدين تحطي الماية وخلي بالك من ايدك حطيها بالراحه وتسيببها تغلي وبعدين توطي عليها ساعة وتصفيه وتاخدي الي صفتيه ع الحلة تاني وعليه لتر مايه يغلي تاني عشان ناخد كل الخلاصة

واما يهدى ندخله التلاجة وبالهنا والشفا