أفتكاسات زوج صايم

إيمان العادلى

إلهام وممدوح

الحلقة الرابعة

رهف : ماما يا ماما شوفى الكنافة دى مش عارفة أطلعها من الصينية

إلهام : مالها يا حبيبتى فى أيه

خالد : ماما ألحقى الكنافة يا ماما

إلهام : ايه الحرب قامت ولا ايه مالها الكنافة

رهف وخالد : تعالى بنفسك يا ستى وشوفى

إلهام : أيه ده يا لهوووى دى ايه دى

يا ممدوووووح يا ممدوووح

حرام عليك دى حجر صوان مش كنافة يا خسارة الكنافة والسمن البلدى والسكر

أنت عارف السمن بكام ولا السكر بكام حرام عليك

ولا الكنافة بكااام ده الكيلو ب20 ج

كل يوم تدخل المطبخ وتفتكس فى حاجة وتبوظها لنا

حرام عليك يا حبيبى

كفاية عليك السلطة والرز

ممدوح : فى أيه هى جريمة ولا جريمة يعنى ما أجدع الشيفات بيغلطوا برضه أيه يعنى وبعدين أنا دخلت على النت وعرفت الغلطة فين وحصلحها لكم

هى ساعة كمان وأتفرجوا على أجدع صينية كنافة فيكى يا مصر

 إلهام : لا كفاية كده وحرام بصراحة

بص يا حبيبى انت تدخل الأوضة وتستريح شوية ولا اقولك شوف كام مسلسل كده وانا حظبطها لك وأخليها أجدع صينية كنافة

ممدوح : لأ يا هانم علشان تنسبيها لنفسك انك أنتى اللى عملتيها

محدش مصلحها غيرى

يلا وسعى كده وفضولى المطبخ

رهف وخالد : ربنا يعوض علينا

إلهام : أه يانى من جوزى وأفتكساته أه يا ضغطى يانى

( نفسى ارميها فى اقرب باسكت زبالة ونستريح كلنا )

ممدوح : بتقولى حاجة يا حبيبتى

إلهام : لا يا حبيبى بكلم نفسى كالعادة

ممدوح : انا داخل اظبطها وأستنونى بقى سلام

بكرة بقى نشوف ممدوح وأفتكاساته وإلهام واللى جرى لها