أفتاكسات زوج محظور
(الجزء الثانى ) أفتاكسات زوج صايم
إيمان العادلى
الحلقة السابعة والأربعون
(الجزء الثانى ) أفتاكسات زوج صايم
إلهام وممدوح
ممدوح صالح إلهام
وإلهام ست مصرية أصيلة مستحملة جوزها فى حظره و٠٠٠٠٠
ممدوح : صباح الخير يا حبيبتى قومى بقى بطلى كسل عملتلك فطار ملوكى يستاهل بقك يا قمر
إلهام : بتقول أيه عملتلى فطار
يا لهوووووى تبقى عملت عملة منيلة ولا ناوى تتجوز عليا ومستنى موافقتى إهئ إهئ
ممدوح : يا دى النكد أللى عايشة فيه وفى الأخر أطلع أناا أللى مفترى وبتحكم فيكى
سديتى نفسى على الصبح يا خميرة العكننة ووالله ما طافح
إلهام : إهئ إهئ أنا خميرة عكننة برضه ولا أنت أللى أمورك مريبة
ممدوح : يا هووووه يا ناااس ألحقونا
تعالوا شوفوا مراتى المجنونة
رهف : فى ايه على الصبح
مالكم يا بابا بتعيطى ليه يا ماما
خالد : هو أيه النكد بدأ بدرى ليه لسه قدامه ساعتين
إلهام : بتتريق يا سى خالد ما انت طالع لأبوك إهئ إهئ ملكيش حظ فى عيالك يا إلهام
رهف : مالك بس يا ماما فى ايه يا حبيبتى
عملت ايه يا بابا وزعلتها على الصبح ليه ( ده اليوم لسه بدرى على النكد على رأى الواد خالد )
ممدوح : أحضرونى يا عيال وأشهدوا عليها علشان لو دبحتها دلوقتى محدش يمسكنى بقولكم أهو
يا أيامك السودة يا ممدوح مع الست المجنونة دى
فك الحظر بقى يارب
خالد : صلى على النبى يا بابا
إهدى والنبى يا ماما وأحكولنا ايه اللى حصل
إلهام : إهئ إهئ و٠٠٠٠٠
ممدوح : أتكتمى أنتى انا اللى حتكلم بصوا يا عيال أنا صحيتها من النوم وجهزت لها فطار ملوكى وقلتلها قومى يا حبيبتى عملتلك الفطار وعينك ما تشوف ألا النور قعدت تصوتلى وتصرخ ولمتكم عليا
خالد ورهف : بس يا بابا ده اللى حصل
ممدوح : والمصحف أه
خالد ورهف: صح يا ماما الكلام ده
إلهام : إهئ إهئ أيوة
خالد ورهف : يا لهوووووووى يا أنااااا من الحظر وعمايله
إهئ إهئ
أستنونا بكرة
