أفتاكسات زوج محظور

 

 

إيمان العادلى

 

الحلقة التاسعة و الثلاثون

 

(الجزء الثانى ) أفتاكسات زوج صايم

 

إلهام وممدوح

 

بعد مشاحنات وحبة مشاجرات

وإلهام غلبانة ومن الحظر شقيانة

هدت ممدوح وجبرت بخاطره

والحمد لله ركب الخلاط والدنيا تمام و ٠٠٠٠٠٠٠٠

 

إلهام : ممدوح ..ممددوح.. ممدوح

 

ممدوح : خير ..خير فى أيه

 

الهام : الانبوبة على وشك والاستبن خلصان وأنا عاملة صوانى باشميل وبطاطس

 

ممدوح : حطيها فى فرن البوتجاز ما أحنا عندنا غاز

 

إلهام : فرن البوتجاز بايظ وأنا شغالة على الفرن ده

 

ممدوح : طيب اعمل ايه انا دلوقتى سايباها فاضية ليه

 

الهام : (ما انت مش هنا ولا دريان)

و بتاع الانابيب مجاش علشان كورونا

 

ممدوح : امال كنت بتغيريها ازاى

 

الهام: جوز جارتنا هههه عارفه

 

ممدوح : ايوة لخصى ههههه

أى جوز فيهم بالظبط

 

الهام : محى جوز أنغام بتاعة الركن البعيد الهادى كان بياخدها معاه فى العربيه وأنت فى الشغل يا حبيبى قبل الكورونا بقى هههههه يغيرها من المستودع

 

ممدوح: مين تانى كده

 

الهام : أيه ياحبيبى مالك كده

 

ممدوح : عاوز اسمعها تانى جوز مين بيغيرها معاه

صح

على أساس ايه يعنى

قريبنا ولاصاحبنا ده انا اصلا معرفش اسمه

 

إلهام : ما أنت ياروحى مش عايش معانا يأما فى الشغل يأما نايم ولا كنت بتشغل بالك بحاحة

 

ممدوح : عندك حق ما انا نايم على ودانى ليلتك سودا

وبتلمونى كل شوية وتقوليلى أنغام قال

 

رهف : ايه يابابا صوتكم عالى ليه

 

ممدوح : ادخلى جو ه مش عاوز اسمع حد ولا أسمع صوت

 

الهام. : يعنى انت لما بتقابلها على السلم وتسألها انا اتكلمت يعنى

اشمعنى يعنى لما جوزها ساعدنى وغيرلى الانبوبة

 

ممدوح : تانى ده أنتى ليلتك سودة

وشكلى كده حعمل لك عاهة مستديمة علشان تفوقى وتعرفى بتقولى ايه

 

الهام : كده عيب عليك البنت سامعة الكلام

رهف معهلش ياروحى اصل بابا بيحللها لنفسه بس

 

ولعلمك بقى جارتنا هى اللى بتيجى تاخدها مش جوزها

أنا كنت بغيظك

بس انت طلعت بتشك فيا

إهئ إهئ إهئ

 

ممدوح طلقننننننى

 

أستنونى بكرة