أفتاكسات زوج محظور
(الجزء الثانى ) أفتاكسات زوج صايم
إيمان العادلى
الحلقة السابعة و الثلاثون
(الجزء الثانى ) أفتاكسات زوج صايم
إلهام وممدوح
رهف وخالد أقنعوا باباهم ميعملش الكريب ويخلى إلهام تعمله وتتعب هى فيه
علشان يلعب معاهم بلاي ستشن
ممدوح : يلا يا خالد جهز الماتش وانا حكتسحك وأوريك الكرة تتلعب إزاى
بلا كريب بلا وجع دماغ
خالد : جاهز يا بابا يلا تعالى وورينى اللعب يا دوحة هههههه
إلهام : ممدوووووح يا ممدددوح ألحقنى
ممدوح : أيه فى أيه
إلهام : حنفيه المطبخ مش راضية تفتح إيدى وجعتنى وأنا بفتح فيها
تعالى شوف مالها
ممدوح : ورينى كده دى متروسة خالص مين بوظها كده
روحى هاتيلى المفتاح والمفك
إلهام : مفتاح ايه يا دوحة مش عارفاه
ممدوح : يوووة أنتى خايبة كده علطول المفتاح اللى كنا بنركب بيه الأنبوبة زمان
إلهام : اه أفتكرته
رهف : ماما يا ماما
إلهام : مالك يا بت صوتك واطى ليه
رهف : تعالى بس أقولك حاجة
بلاش تخلى بابا يصلح الحنفية وأتصلى بالسباك فتحى أحسنلك
حيخرب المطبخ والخلاط كله يا ماما
أنتى ناسية اى حاجة بيعملها بيبوظها والخسائر بتكون كتيرة ويفضل يزعق فينا وتتخانقوا
إلهام : أيوة يا رهف صح أبوكى ده خرابة طول عمره كل حاجة يمسكها يبوظها وأنا خلقى ضيق وأمسك فيه وفى الاخر نجيب اللى بيصلح الحاجة
وأللى يتصلح بقرشين بنصلحه ب 10 قروش بسبب أفتكاساته
حلحقه وأقوله حكلم فتحى السباك
شاطرة يا بت فكرتينى
علشان تعرفى طيبة قلب أمك بتنسى أى حاجة
يا عينى عليكى وعلى طيبة قلبك يا إلهام
رهف : إلحقى يلا بسرعة
إلهام : دوحة يا حبيبى بلاش انت تعمل الحنفية وتتعب حكلم فتحى السباك
ممدوح : سباك أيه والنبى أسكتى انتى عاوزة تدفعى فلوس وخلاص ما هو مش خسرانة خالص
وسعى كده بس وسيبينى أشتغل
إلهام : ما بلاش
(كده كده حنجيب فتحى والخساير حتبقى كتيرر )
ممدوح مسك المفتاح وشمال يمين الحنفية مبتفتحش ولا بتفك
وخبط ورزع وطوخ طاخ
وهوب
ممدوح : إلهام يا إلهام تعالى بسرعة إلحقى الدنيا واقفلى المحبس الرئيسى الدنيا حتغرق
إلهام : يا لهووووووى يا أنااااااا
من جوزى وعمايله
وأفتكاساته وحظره
أستنونى بكرة ونشوف
اللى حصل واللى جرى
يجب عليك تسجيل الدخول لكتابة تعليق.