أفتاكسات زوج محظور
إيمان العادلى
(الجزء الثانى)
من أفتاكسات زوج صايم
الحلقة الثانية والعشرون
إلهام وممدوح
ممدوح : تحبوا تاكلوا أيه يا ولاد من إيدين الشيف دوحة العالمى
( فرصتك وجاتلك يا دوحة والمطبخ خلى لك وتفنن تفانينك وتورى إلهام التفانين والأفكار)
خالد: ناخد رأى رهف يا بابا
ممدوح : وإلهام حبيبة قلبى ملكيش رأى ولا أيه
تحبى تاكلى ايه يا حبيبتى
إلهام : أنا مليش أى مطالب أللى حياكلوه العيال حاكله
انا عاوزة أعيش فى هدؤ وسلام 3 ايام أن شاء الله ما كلش خالص
وياريت متسألونيش تانى أكل ايه
علشان أنا شبعت من السؤال ده 30 يوم
ممدوح : أيه ده كله يا إلهام محاضرة علشان تقولى عاوزة تاكلى ايه
على رأى الواد خالد كنا خاطفينك وبنعذبك يعنى
عموما حقك عليا والنييعمة ما سألك تانى وابقى كلى أللى العيال حيختاروه وأنا حطبخه بإديا وحياة عنيا
إلهام : ( إيدك يا لهووى على اللى حيجرى للعيال من إيديك دول )
مااااشى يا حبيبى ماشى المهم أيه
تسبونى أستجم بقى ال3 أيام العمى بتوعى يا نااااس
ممدوح : ماشى يا روحى أستجمى
خااااالد يا واد انت وأختك تعالوا هنا علشان تختاروا ناكل ايه
رهف : نفسى فى بيتزا يا بابا والنبى ونشكلها
خالد : لأ انا عاوزة كريب ونحشيه حشوات كتير زى بتاع برة
رهف : بيتزا أنا قلت الأول إهئ إهئ مليش دعوة
ممدوح : بس 5 نظام انتى وهو ولا عاوزينها تفرح فينا وتقول أختلفنا فى أول يوم إضراب ليها
خالد ورهف : صح يا بابا عندك حق
رهف : خلاص نعمل كريب علشان خاطر خالد
خالد : لا حنعمل بيتزا علشانك وبكرة نعمل الكريب أتفقنا يا بابا
ممدوح : اتفقنا
انا حدخل اليوتيوب وأجيب الطريقة
رهف : انا حجبلك الطريقة بتاعة مامة دنيا صاحبتى البيتزا بتاعتها تجنن يا بابا
ممدوح : أكتبيلى الطلبات فى ورقة حنزل أشتريها
خالد : خليك يا بابا حنزل أنا
ممدوح : لا لا انا نازل اجيب حاجات فى البيت ناقصة
ممدوح نزل يجيب الطلبات واتأخر شوية
إلهام : هو أيه أخر أبوكم كده هاتيلى الفون يا رهف أرن عليه
إلهام بترن على الفون مردش والتانية مردش والتالتة رد
وقالها اهو يا حبيبتى على السلم أهو
إلهام : أهلا يا سى دوحة أيه اخرك كده وايه صوت الضحك اللى على السلم ده
ممدوح : دى إنغام جارتنا كانت بتسلم عليكى والكلام جاب بعضه معاها وسألتها على تسبيكة البيتزا
إلهام : نعم يا بتاع الركن البعيد الهادى تسبيكة أيه دى أللى سألتها عليها
وانا أن شاء الله اتخطفت ولا أيه ولا دخلت فى غيبوبة ما تسألنى أنا يا سى دوحة ولا تسبيكة الست أنغام جاية من الركن البعيد
ممدوح : يووووة أنتى كده يا إلهام تعشقى النكد
ركن بعيد ايه وأنغام ايه
وبعدين هو مش أنتى عاملة إضراب ومانعنا نسألك 3 أيام
إلهام : أمممممم أيوة بس مش لدرجة تسأل أنغام جارتنا
فى أستثناءات برضه حسمح بيها يعنى
متاخدنيش فى دوكة ها وتبعدنى عن الموضوع يا سى دوحة
ممدوح : خلاص يا إلهام لو قابلتها على السلم تانى ححط وشى فى الحيط
مرضية
إلهام : أما أشوف
حدخل بقى أوضتى أكمل الأستكنيص بتاعى وإهدى اعصابى من عمايلك
ممدوح : ( أحسن برضه )
إلهام : بتقول ايه
ممدوح : مبقولش ده أنا داخل المطبخ اهو
أعجن البيتزا
ممدوح دخل المطبخ وبدأ فى البيتزا
بكرة نعرف عمل أيه
واخبار أفتكاساتة أيه
أستنونى
