وصفات العاصمة
ايمان العادلى
المقادير
كوب دقيق ( طحين )
كوب سيمولينا ( سميد او دقيق البسبوسه )
معلقه كبيره بيكنج بودر
رشه ملح
نص كوب جوز هند
نص كوب سكر وممكن نزود حسب الرغبه لحد كوب كامل بس بتكون مسكره زياده
تلات اربع كوب زيت
نص كوب زبادي
نص كوب حليب
نص معلقه صغيره خل
٣ بيضات كبار او ٤ صغيرين
معلقه صغيره فانيليا
بشر برتقاله او نص معلقه ريحه برتقال اختيارى
الشربات
كوب ونص سكر
كوب ونص ميه
معلقه عسل
عصره ليمون
رشه فانيليا
ولو حبينها بريحه البرتقال بنضيف شرائح من البرتقال
وكميه الشربات ممكن تزودوها حسب الرغبه السكر نفس مقدار الميه
للتزين جوز هند او مكسرات حسب الرغبه
– اولا بنجهز الشربات
نضع السكر والماء مع بعض على النار لحد ما يدوب السكر تماما نضيف العسل والليمون ورشه الفانيليا وتهدى النار ونتركه لمده ٥ دقائق و نطفي النار ونتركه يبرد
– للكيك ممكن نستخدم الخلاط او العجان او المضرب الكهرباء او المضرب السلك العادى
– بنضيف البيض والفانيليا والسكر ونضربهم مع بعض كويس باى طريقه لحد ما لونه يفتح
– ثم نضيف الزيت والحليب والزبادى ( ممكن نستخدم كل الكميه زبادى حسب الرغبه )والخل ونضرب تانى لحد ما تتجانس كل المكونات ونتاكد ان السكر داب تماما نضيف بشر البرتقال وده اختيارى
– لو بنستخدم الخلاط بنفضى الخليط السائل ده فى بوله
– نخلط السميد والدقيق والجوز هند والملح والبيكنج بودر ونضيفهم على دفعات على الخليط السائل ونقلب بالراحه بالمعلقه او المضرب السلك لحد مايتاكد ان كل المكونات اختلطت تماما
– بنصبها فى قالب او صنيه مدهونه بالزبده ومرشوش بالدقيق وتدخل الفرن الساخن على ١٨٠ ونتركها ٢٥ دقيقه ونبدا نشوفها لو اخدت لون بنجيب سكينه او خله اسنان وندخلها فى النص نتاكد من سواها
– اول ما بتطلع بنسقيها بالشربات ونرشها بجوز الهند او المكسرات حسب الرغبه
وبالهنا والشفا
