وصفات العاصمة

طاجن مكرونه بالكبد و القوانص

إيمان العادلى

كيلو كبد و قوانص مغسولين بخل و ملح و مقطعين قطع صغيرة

بصلة مفرومه و توابل معلقه صغيرة من (فلفل اسود ،بصل بودرة ،توم بودرة) و معلقتين ملح

نص كيلو مكرونة أقلام

كوبين مرقه فراخ و مضاف ليهم كوب عصير طماطم و عليه معلقتين صلصة و ملح و فلفل

الطريقه :

هنسوى الكبد الأول فطاسه هنحط الزبده معلقتين و ننزل بالبصل يدبل و ننزل بالتوابل نقلبهم و ننزل بالكبد و القوانص و نقلبهم مع بعض كويس و بعدين نحط عليهم كوبين ميه و نسيبها لحد ما تتشربه و نطفى

و نجيب بقى طاجن و نحط الكبد و القوانص تحت و عليهم المكرونه و عليهم المرقه المضاف ليها عصير الطماطم و تكون يدوبك مغطيه المكرونه بلاش زياده عشان المكرونة متعجنش و نغطيهم بفويل و عالفرن المتسخن على درجة حرارة ٢٠٠ لمدة ساعه و نطلعها تهدى خالص بعدين نقلبها فسرفيس و بالهنا