نصائح مفيده وأسرار عظيمة تفيدك في مطبخك

•البشاميل لما تقلبى الدقيق فى السمنه اول لما يتجانسوا مع بعض ويعملو عجينه لينه سايحه انزلى باللبن كله مره واحده

عمره ما هيكلكع منك ومتستنيش لما الدقيق ياخد لون جامد هيبقى طعمه مش حلو لازم يبقى لونه دهبى فاتح جميل

•صلصه المكرونه عشان تبقى سايحه مثل المطاعم متسبكيش الطماطم اوى سبيكيها ٣/٤ تسبيكه عشان متلزقش فى المكرونه

واعمليه بالزيت والبصل ونكهىً البصل بالفلفل الاسود قبل ما تحطى الطماطم

•محشى ورق العنب اسلقيه بميه و ليمون واعصرى ليمون عليه قبل ما تسويه ورشه زيت زيتون على الوش عشان يدى لمعه فى المحشى

وحطى فلفل رومى متقطع على الوش بيدى طعم حلو اوى مع ورق العنب ويسلام لو حامى

•الممبار حطيله نعناع
•الكرنب اسلقيه بكمون حب
•الباذنجان احشى معاه فلفل رومى وفلفل حامى بيليقوا على بعض ولما يستوا مع بعض فى نفس الحله بيخلى طعم المحشى جميل

•محشى الكوسه الى بتقوريه منها حطيه تانى فى الخلطه اوعى ترميه او حطيه في قعر الحله ميخلبهاش تشيط

•خلطه المحشى عموما كترى البصل والخضره والطماطم وخلى الرز نص مقدارهم عشان كده كده الرز بعد السواء بيبقى

الضعف عشان متلقيش فى الاخر المحشى عباره عن رز بس الى باين بعد ما يستوى

•طلعى الجبنه الموتزريلا من بدرى اوى تفك خالص قبل ما تستخدميها على البيتزا ويااريت تضربيها فى الكبه مع الجبنه الشيدر

هتسيح كويس جدا وطعم تحفه من ميكس الشيدر والموتزريلا مع بعض

،•صلصه البيتزا اضربى الطماطم مع فصين توم وحته صغيره فلفل اخضر رومى او احمر حطى فى الحله زيت زيتون

وزعتر وريحان مجفف وشوحيهم وانزلى بالعصير وسبيه يتسبك وطبعا حطى ملح وفلفل وسكر ومعلقه خل

•الرز عشان يطلع مفلفل وبيلمع وجميل اعمليه بسمنه وزيت مع بعض .والرز الابيض ضيفي له ملعقه خل

•الملوخيه متغطيهاش عشان متغمقش منك وضيفى الشوربه كبشه كبشه واقلبى بمضرب بيض يدوى لغايه ما توصلى للسمك

الى انتى عايزاه عمرها ما هتسقط منك

•لو هتعملى بسكويت خاصه الكوكيز اعملي العجينه وسبيها متغطيه فى التلاجه من يوم لخمس ايام اكنها بتتبل كل ما

تسبيها كل ما طعمها يبقى احلى ده سر من اسرار المحلات الكبيره بره

•الكوكيز اعملى كميه و كوريها وحطيها فى صنيه ودخليها الفريزر وبعد كده جمعيها فى كيس فى الفريزر كل شويه طلعى منه

واخبزى طازه بطازه ممكن يقعد لحد ١٢ اسبوع فى الفريزر

•حمرى البانيه فى سمنه طعم تحفه وافيد من الزيت بكتير وممكن تحطى السمنه على البقسماط وتبلى الفراخ وتدخليه الفرن اخف بكتير

•الدهون الحيوانيه افيد بكتير من النباتيه اياكى واستعمال السمنه او الزبده النباتى ربنا خلق الدهون الحيوانيه ليها فايده كبيره

لجسم الانسان بعكس ما بيقولوا .بس بدون اسراف

•استعملى زيت الزيتون المخصص للطبخ لأنه له فايده عن الزيت العادى