نصائح العاصمة

إيمان العادلى

نصائح الشتاء
١-اهم حاجة وانتي بتقللي لطفلك ..ياريت فانلات قطن .. واحدة او اتنيين اهم من كل الهدوم اللي من فوق..
٢-السوايل مهمة جدا جدا .لاننا في الشتا احساس العطش مش زي الصيف ..وجسمنا بيحتاج سوايل كتيير ..ده الى جانب زيادة البول ..
وكمان في حالة البرد والكحة ..السوايل مهمة جدا جدا..
٣-التغذية السليمة والغذاء المتوازن الحصول على السعرات الحرارية اللازمة مهم جدا للاطفال اللي بيتابعوا تغذية علشان نحافظ على وزنهم لان نسبة الحرق بتعلى في الشتا..
٤-جلسات البخار اسهل واهم الادوات لعلاج الكحة ..
الاطفال اللي بيتعالجوا من حساسية الصدر محتاجين ندفي صدرهم كويس جدا جدا ..وطبعا ناخد البخاخات في مواعيدها ..علشان نقلل من نوبات تزييقة الصدر وضيق التنفس..
٥-نخللي بالنا قوي واحنا بنحمي اطفالنا في حمام فيه سخان غاز وناخد بالنا من تكون البخار ولازم يكون في شفاط ..لان البخار مع الغاز المشتعل خطر جدا.
٦-اولادنا وهما بيتقلبوا بالليل نعدي نتأكد انهم متغطيين كويس لان ده سبب مهم لنزلات البرد المتكررة ..الطفل جسمه بيكون دافي وبيتعرض للهوا ..ونفتكر ان ابننا مناعته ضعيفة ..
نفس الكلام البامبرز في حديثي الولادة مينفعش يتساب وقت طويل فيه بلل..ونخللي بالنا ان الملابس الداخليه البلل ممكن يوصل لبطن الطفل او صدره ..
٧-نهتم بالفيتامينات وخصوصا فيتامين سي جدا جدا..
برتقال ..يوسفي..لمون ..
٨-النوم بدريونشرب حاجة دافية قبل النوم وياريت لو كوب لبن يبقى عظمة ..
٩-الاستحمام مش غلط ومش ممنوع ..وفترة عدم الاستحمام متطولش عن تلات ايام ..الاستحمام بينضف جسم الطفل ويقوي المناعة..اهم حاجة ندفي الحمام كويس ونقفل الدنيا ومفيش خروج بعد الاستحمام