استغاثه الى السيد وزير الصحة الى كل مسئول فى مصر الى السيد وزير الداخليه الى كل صاحب ضمير الى كل صاحب دين مهما كان انقذو انسان واسرة رمضان عبدالعزيز الوكيل من قرية قليشان 36 سنه متجوز من 2004 وليس عندى اولاد كنت اعمل فى تلاجة الطحان للتبريد والتخزين فى كوم حماده عزبة الطحان حوالى 7 سنين يشهد الكل لى بالامانه والمحافظه على التلاجه وكل عمال التلاجه انا الى جايبهم من بلدنا فقام بعض الاشخاص بتحريض غفير التلاجه عليا احمد عاطف حموده مطاوع عامل فى الوحده المحليه بكفر بولين وغفير التلاجه صاحبى وواكل معاه عيش وملح ولكنه غدر بيا بعد تحريضه من اخرين قالولى تعالى اسهر معانا واحد فيهم عامل لي كمين مع انه عارفنى كويس جدا فقال انت حرامى ياعم احمد انا رمضان لا حرامى وكان معه شخص اخر لا يعمل فى التلاجه اسمه محمد النجار جايبه يساعد معاه دخلونى التلاجه تحت التهديد ثم فجاه اطلق الخرطوش فى الوجه مباشرة دمره تماما فقدان لكامل الانف والعظم والاسنان وتشوه فى كامل الوجه والعينين حادثه لم تحدث فى العالم من قبل دخلت مستشفى طنطا الجامعى العنايه المركزه 70 يوم شبه ميت ثم اخرجونى لعدم وجود علاج لحالتى توجهت وبعد معاناه شديده جدا الى مستشفى جامعة الاسكندريه قسم الوجه والفكين يوم 3/11/2016تم حجزى فى المستشفى ويوم 12/12/2016 تم اجراء عمليه لى باخذ عظمه من القدم اليسرى ومحاولة زراعتها للفك العلوى من الفم لتحسين قليل الشكل وبعد جراحه 16 ساعه كامله فشلت العمليه لان الحاله لم تحدث فى مصر من قبل فقرر الاطباء بعد ان تدهورت حالتى اجراء العمليه مره اخرى حتى استطيع ان اعيش كانسان ولو مشوه وفى يوم 5/3/2017 اجريت العمليه مره تانيه باخذ عظمه من القدم اليمنى هذه المره وبعد جراحه 24 ساعه كامله فشلت العمليه ايضا واصبح التشوه والعجز فى الوجه والقدمين لفيت كل مشتشفيات مصر وعلى كل اطباء الوجه والفكين رئيس قسم الوجه والفكين فى جامعة طنطا والقاهره وعين شمس والدمرداش والشيخ زايد التخصصى دون جدوى ولا فائده توجهت الى مجلس الوزراء لعلاجى فى الخارد فرفض لارتفاع تكاليف العلاج جدا وطول مدة العلاج وضعف نسبة النجاح ياسيادة الرئيس عبدالفتاح السيسى ياوزير الداخليه ياكل انسان مصرى ياكل مسلم او مسيحى هل هذا يرضى الله نفسى اعيش كانسان واتعالج .
الجانى احمد عاطف حموده مطاوع الى عمل فيا كدا ا ياخد براءة عشان قال انه شك انى حرامى مع ان صاحب المكان لم يتهمنى ولحد الان بيساعدنى فى العلاج فاخت براءه من قضية السرقه ولكن المجرم استغل طول وصعوبة فترة مرضى وتحريات مزيفه ليطلع براءه فهل هذا يرضى الله ياساده عاوز اتعالج واقدر اعيش اعانى منذ اكثر من عامين من فشل الى فشل ياوزير الداخليه ياكل شريف فى مصر شارك فى نشر مأساتى يمكن حد يحس بيا الفديو لحالتى على اليوتيوب اسمه استغاثه للرئيس السيسى……جزء بسيط من المعاناه اناشدكم الله الكل يشارك اجرونى الراحمون يرحمهم الله استغاثه من انسان بسيط اتحطم تماما الى الرئيس الانسان الى كل مسؤل فى البلد الى كل مصرى الى كل عربى الى كل انسان لا يرضى بالظلم فى العالم اغثونابطالب من كل الناس تشارك فى توصيل صوتى للريس عبدالفتاح السيسى عاوز موسسه تتبنى حالتى لأكمل علاجى عاوز اتوظف لانى عاجز تماما عن العمل عاوز وزير الداخليه يفتح قضيتى واخد حقى وحد يسمع اقوالى
يجب عليك تسجيل الدخول لكتابة تعليق.