كرونا جات بواسطة bwabt1 0 شارك كتب / علاء عامر بندعي وبنقول يارب فرج كربنا وارحم ضعفنا ولسة فينا سواد القلب شايفين بعنينا الموت بيقرب مع الوقت من كل واحد منا ومين عليه الدور بعد ساعة ولا ساعتين. ولا يوم ولا يومين. ماحدش يعرف امتى وفين واحنا ولا احنا داريين سكينة الحياة سرقانا بتسرق سرقة فينا كل يوم بتقطع حتة بتطمعنا فيها ومابتسيبناش العين متغمية مسحوبة رايحة منها البصيرة وازاى تشوف الحقيقة وقلوبنا لساها مصدية صابها الصدى م الدنيا الفانية دية.. كرونا جات طوفان. كشفتنا قصاد نفسنا خلتنا عرايا ف المرايا بحسناتنا وعيوبنا المخفية ما عرفناش نهرب منها ولانتدارى حتى منها طوفان بيجري جري بيحصد ولابيخلي صغير ولاكبير غنى ولا فقير ولا صاحب جاه وسلطان الكل الكل جاى لاحينفعه مال ولا صولجان ولما يموت لا يغسلوه واهله يخافوا يستلموه ولا منه يقربوا.. وفي المقابر يا عالم يدفنوه يا الله .يا الله.. عملنا ايه عشان يكون عقابنا بالشكل دا.. الجوامع تتقفل ف وشنا وبيت ربنا غضبان مننا والكعبة الشريفة ما تلاقيش حد يطوف جنبها يلمسها يصبرها… يضم حزنها. . يطيب قلبها يواسيها على فُرقة احبابها بمعاصيهم بعدت عنهم وبفسادهم فارقوا قلبها. يارب فوقنا ورجعنا قبل فوات الأوان احنا مالناش غيرك. انت الغفور الرحيم شارك هذا الموضوع:تدوينةTweetTelegramWhatsAppطباعةالبريد الإلكترونيمشاركة على Tumblrمعجب بهذه:إعجاب تحميل... مرتبط 0 شارك FacebookTwitterWhatsAppالبريد الإلكترونيLinkedinTelegramطباعة
