أولآ/ لازم نعرف ان العقد ملوش دعوة بحق الملكية العقد هو اثبات كتابي للملكية . بمعني ان حقك ملوش علاقة بوجود عقد او لا . غير في انك بتكون معاك اثبات كتابي علي وجود حقك .
طب اعمل ايه علشان لو العقد ضاع ميضعش حقي ؟؟!!
– لو العقد مسجل يبقي مفيش ادنى مشكلة هتستخرجه من الشهر العقارى وزيه زى الاصل.
لو مش مسجل بتثبت وجود حقك بالقرائن .
– قرائن زى ايه ؟؟؟
١.لو العقد ضاع بتروح تعمل محضر فقد في القسم وبتوضح ان العقد ضاع لسبب قاهر وخارج عن ارداتك.
٢. العقد اللي بيودع في المحكمة وانت بتعمل صحة توقيع قرينه خصوصا لو حضر البائع بنفسة قدام المحكمة واقر بصحة توقيعه .
٣. لو عملت اثبات تاريخ ع العقد بيتم ايداع صوره منه في الشهر العقاري .
٤. لو عملت سجل تجاري او بطاقة ضريبية واودعت صورة من العقد .
٥. او انك اشتركت في شركة الكهرباء او المياة او الغاز واودعت صورة من العقد ده .
