غربه وسفر

عزة ابوالسعود العسيري
وليل طويل
وفراق وهجرة سنين كتير
وشوق للاحبة..
مالوش بديل.. حنين وأنين
واهات كتير تفتكر كلمة اتقالت
او ضحكة مرسومة علي الشفايف
ليها.. متشوقين…
وآه وآه علي اللي كان.
واللي هيكون.. ده غربتك
وانت بعيد كأنك يتيم
متغرب شقيان للقمة العيش..
ولا الهوي رماك….
ياغربتك… وانت بعيد
موجوع.. وحيد ومش حاسس بالأمان.
والناس حسدينك… علي سفرك
يا مسكين.
وانت ربك عالم بحالك هناك .
غريب.. في بلد أغراب..
محتاج لحضن بلدك رغم كل شي.
الغربة….
مش جواز سفر.. ولا مكان بعيد
ولا دخول بدون استئذان… للبلدان
غربتك مرة… يامتغرب..

سايب أهلك وناسك… ليك متشوقبن…
وانت متشوق ليهم شوق الاحباب
بدندن في مخيلتك… سارح بملكوتك
وتقول مواووووويل .. موال ورا موال.
سأعود اليكم . يااحباب مهما طال البعاد
هعزف أحلامي علي وتر الأمنيات
وابعث لكم مكتوبي… بتنهيدة حارة الاشواق
والقلم ينزف حبرا ويقول اه من الفراق
غريب وحيد بسامر جدراني.
انا وهي احلي صحبة
في ليل طويل.

والغربة مرة وانت بعيد.

والا سوء منها وانت قريب
ما اقصي وجع الغربة وانت في أرض الوطن في احضان بلدك… جوه عائلتك… بين اصحابك…
احساس صعب جدا تكون بين أحبابك وكأنك غريب
الغربة مرة. يا غريب.